Lukas 9:41 - Intas Etipup

⁴¹ Is tas a Iesu, um ika, Ak ilpu atimi imyiisjis nahcil im ipjin inliinmopomia, etpu ehed naopan namen unyak ainyak ehelemia, um eropse inliinmopok vai caua? imyiapam inhal unyum aiek igcaki.

Lukas 9:41 Iomraidhean Croise

2 Ilpu Atimarid 5:8

Is wat atahaijeg a Elaisa natimi u Atua, mika is ahpati napelumai iran a natimarid Isreel, is abraig pan hal aien ehele natimarid, um ika, Na mun a uri aiek par ahpati napelumai iram? etmu ham ehelek aien, etpu lep ato aien mika et amen naprofeta an pece Isreel.

Saam 78:8

um eti idivaig ilpu retpora, eris ilpu atimi atladwi intas o un ara um imipalea; eris ilpu atimi eti yecrei upene inliinmopora ara; is lep eti inveijec inliinmopora ara ehele Atua.

Eksotus 10:3

Erus apan ehele Fero a Moses im Eron, um ika ehelen, Et ika a Ihova Atua u nup u Hibru, Etpu tiih nedo ijinies unyum an nuhup unyak an nahopan? namu atcijaig ilpu atimi unyak aiek mika eri aheca unyak ara.

Eksotus 16:28

Is ika a Ihova ehele Moses, Eka imiisjis aijaua, um eti apos intas unyak, im intas alep unyak, um yetpan an nahopan?

Jeremaia 4:14

Ak nup u Jerusalem, akumu yiri inliinmopomia aijaua, vai nedo has, mika uhpu imiatamaig caua. Etpu amen ehelemia naktaktai has unyimia um yetpan an nahopan?

Numera 14:11

Is ika a Ihova ehele Moses, Erupu imiedohalav nyak natimi iji igki um yetpan an nahopan? erupu eti imiisjis ninveijec vai nyak ara um yetpan an nahopan, va niji itai asjaaicnaig asega kis ehvaig ehele ra ainyak?

Numera 14:27

Ekpu eropse ainyak um yetpan an nahopan vai ilpu atimi auatatimi iji igki era ehti nyak ara? kis atahaijeg intas ehti nyak u nup Isreel ainyak, eris asaig vai nyak ara.

Madius 11:28

¶ Akumu ahtag pam ehelek aijaua asega, eka auritai aijaua, et lep opouc nitai ahelwei unyimia, ekpu alupai caua nitai atumop iran ainyak.

Madius 12:39

Is tas aien, um ika ehele ra, Era merit nalmoivaig nitai asjaaicnaig a ilpu atimi auatatimi, im ilpu atimi imyiisjis nahcil; ja uhpu eti ago nitai asjaaicnaig vai ra, nitai asjaaicnaig ache o Jona naprofeta:

Madius 12:45

et apan aien, um leucse ilpu agelo has et eche et seven, et esjilid nauatatimi ura an nauatatimi o un, era apan ara anliin neom iyehki, um amen iran: is upyi hup natimi ineigki um has, ja par apitac um has esjilid. Etpu idim ucco ira atimi auatatimi an naopan ineig.

Madius 16:4

Era merit nalmoivaig nitai asjaaicnaig a ilpu atimi auatatimi im ilpu atimi imyiisjis nahcil; ja eri eti almoi nitai asjaaicnaig ara, nitai asjaaicnaig ineig ache o Jona naprofeta. Is ude ra aien um atga o un.

Madius 17:17

Is tas a Iesu, um ika, Ak ilpu atimi imyiisjis nahcil im ilpu atimi auatatimi, kis amen ehelemia ainyak is itu irak, um eropse inliinmopok ainyak vai caua um itu irak: imyiapam yin igcaki ehelek aijaua.

Madius 23:36

Et inivaijec ineig ek asaig ehelemia ainyak mika, Etpu yetpam nitai iji eigki asega ira atimi an naopan ineig.

Madius 3:7

¶ Is alum ilpu Farisi is ahinag aien im ilpu Satusi napanvaig u nabaptiso o un, is um ika ehele ra aien, Ak ilpu imyiv, et mun ated caua a di, mika aki aha aijaua vai intavaitap etpu yetpam?

Markus 10:14

Is wat almoi a Iesu, is taigtaig aien, um ika ehele ra, Ude ilpu halav aijaua, eri apam ehelek ara, um jim acaija ra; era idivai ra ara era amen an nelcau o Atua ara.

Markus 10:49

Is aiji a Iesu, um ika eri ahlaig vai yin. Eris ahlaig va natimi aupat nesganimtan ara, um ika ehelen, Namu imyiacitak aiek, um atidai; et ahlaig vai euc aien.

Markus 9:19

Is um tas ehelen aien, um ika, Ak ilpu atimi imyiisjis nahcil, kis amen ehelemia ainyak is itu irak, um eropse inliinmopok ainyak vai caua um itu irak; imyiapam yin ehelek aijaua.

Lukas 8:25

Is ika ehele ra aien, Nimyiisjis ninivaijec unyimia yek ed? Eris imtitaig ara, um imyiali, um tas jipe ehele ra, um ika, Et echamecha natimi ineigki! et tas aien, et um imyiaiji intas o un nimtinjop im injop.

Lukas 9:40

ek mun ugni ilpu atimi atahaijeg euc ainyak mika eri ahlo yin ehelen; ja et elika vai ra.

Lukas 9:42

Is wat apan aien, is auohuoh yin a nagelo has, um auhainse yin. Is acaiji nagelo has a Iesu, um ago cehcehe inhalav iyehki, um lep alupai etman yin.

Joanes 14:9

Is um ika ehelen a Iesu, Ak Filipus, kis amen ehelemia ainyak itu acen, ja na idim eti ato nyak aiek, ka oʼo? aien et mun alum nyak aien, et alum Etmak aien; na auri aiek par ika, Ehvai Etmam aiek ehelema?

Joanes 20:27

Is um ika ehele Tomas aien, Imyihio nupsikmam aiek, um almoi nikmak; um lep imyihio nikmam aiek, um ati an nahaijik: um jim imyiisjis nahcil aiek, jam imyiisjis ninivaijec.

Niji auritai o ilpu Apostolo 13:18

Is eti aru nedo has ura aien an namasacen is idivaig inmesese is forte.

Niji auritai o ilpu Apostolo 2:40

Is lep asan tas is ahinag is eche aien, um asuptecnaig itai, um ated ra, um ika, Akumu imyiatamaig caua aijaua vai ilpu atimi auatatimi an naopan ineig.

Nupu Roma 2:4

Ka na esjum aiek va nedo aiheuc alupas o un, im nedo erop o un, im nedo eti auatiemda o un, um eti ato, nikavaig, et ahugni euc nedo aiheuc o Atua, mika an adumoij aiek anliinmopom?

Tyuteronome 32:5

Era mun auahas ra a ilpu hal o un va nedo has ura: et ipjin um acalacal nedo ura.

Ilpu Hibru 3:19

Inta idim ato akaija mika, is ehka vai ra napanvaig iran va nimyiisjis nahcil ura.

Ilpu Hibru 4:11

Va nitai ineigki ti fi auroauro akaija, um apan an nuarin atumop ineig, vai yi jim imyipalea tah na-timi, um etjo, um idivai ra.

Ilpu Hibru 4:2

Eris asuptecnaig intas-upene eheleija, et idivaig eris asuptecnaig ehele ra; ja is eti edel intas iyehki eris asuptecnaig anliinmopoi ra sji ehki eris atahaijeg ara, eris eti imyiisjis ninivaijec vaig ara.

Ilpu Hibru 7:25

Va nitai ineigki et lep emda aien par imyiatamaig ehni ra sji eigki era apan ehele Atua ara vai yin, et idim umoh aien irai iji mesese par imyiahras ra.