Lukas 9:26 - Intas Etipup

²⁶ Aien et imyiehcamai nyak aien im lep intas unyak, etpu imyiehcamai yin a Inhal o natimi an naopan iyehki inyi yetpam aien an natimi alupas o un, im natimi alupas o Etmam im lep an natimi alupas o ilpu agelo upene o un.

Lukas 9:26 Iomraidhean Croise

Aiseya 53:3

Eris amcel vai yin natimi um udei yin; is atimi ohocred aien, is ato nemehe aien: um idivaig tah is adahpoi nesganimtan aien vai caija; eris amcel vai yin ara, ja intis eti ecen vai yin akaija.

Taniel 7:10

Is ahes an nuhup o un incap um ared pam: eris auaraheca o un a ilpu agelo is dausant is ahinag, eris um aiji an nuhup o un a ilpu agelo is dausant is ahinag acen: eris ago upene itai mika eri almaijidjid atimi, eris elgelgei niji itaasviitai.

Madius 16:27

Etpu yetpam a Inhal natimi an natimi alupas o Etman im lep ilpu agelo o un; etpu ago neruvaig imi atimi asega aien yi idivaig nauritai ura.

Madius 25:31

¶ Et wit yetpam a Inhal o natimi an natimi alupas o un, im lep ilpu agelo upene asega ehelen, etpu ateuc aien a dorona esjilid o un an naopan iyehki:

Madius 26:64

Is um ika ehelen a Iesu, Na mun asaig aiek: ja ek asaig ehelemia ainyak mika, Akupu ecet Inhal o natimi aijaua an tak aopan nateucvaig an matan Et emda aien, im lep napam o un an nepeig an nohatag.

Markus 8:38

Aien et imyiehcamai nyak aien im lep intas unyak an nuhup o ilpu atimi auatatimi, im ilpu atimi ago nedo has an naopan ineig; etpu lep imyiehcamai yin a Inhal o natimi, et wit yetpam aien an natimi alupas o Etman, im ilpu agelo upene ehelen.

Joanes 12:43

eris merit alupas ara va nimyiahpas o atimi, jam merit tintin va nimyiahpas o Atua.

Joanes 5:44

Et elika vai caua nimyiisjis ninivaijec vaig, eka imyiahpas jipe caua aijaua, jam eti ahilek nimyiahpas ineig et ahes ehele Atua ineig et ethi ache aien.

Niji auritai o ilpu Apostolo 10:22

Ehtijis um ika ahtaij, Is tas a Atua ehele Kornilyus natimi alupas o ilpu eucsupo, irai nagelo upene o un, um ika yi imyiacaij euc, mika an apan aiek an neom o un, mika yi atahaijeg intas unyum aien; et atimi upene aien, um eccen vai Atua, era asan tas upene vai yin a nupu Jutaia asega.

Nupu Roma 1:16

Ek idim eti imyiehcamai intas-upene o Kristo ainyak, nemda o Atua ineigki par imyiatamaig ra sji eigki asega era imyiisjis ninivaijec ara; nupu Jutaia uhup, im lep nupu Crisi.

2 Nupu Korindus 12:10

Ek idim imyiacitak ainyak vai iji auatialidi unyak, im niji tas has vai nyak, im niji ihki atimi unyak, im niji edemda vai nyak, im niji ohocred unyak, vai Kristo: ek wat auatialidi ainyak, jam emda.

Nupu Calesya 6:14

Jai inki idim eti imyiahpas tah nitai ainyak, nauincai atgeig ache o Iesu Kristo Natimarid uja, et mas niji itai an nobohtan ehelek vai yin, ek lep mas ainyak u niji itai an nobohtan.

1 Timodeus 5:21

Ek efasaig ehelum ainyak an nuhup u Atua, im Iesu Kristo Natimarid, im ilpu agelo eris ehtai ra, mika an imyiaiji nitai iji eigki aiek, um tup ethi ache inliinmopom va atimi asega, um jim ago tah nitai an tup inmerit unyum vaig tak.

2 Timodeus 1:12

Va nitai ineig ek lep ohocred ainyak va nitai iji eigki; ja ek eti ehcamai ainyak: ek idim ato yin ainyak ek asgeig iran ainyak, ek lep ato upene ainyak mika, et emda aien par aminjinaig nitai ineig kis ati ehelen ainyak va nadiat iyehki.

2 Timodeus 2:12

ele ta leucse niji itai has akaija, intupu lep ehratimarid ehelen akaija: ele ta ateri yin akaija, etpu lep ateri caija aien:

Ilpu Hibru 11:26

is ika aien is itai esjilid inlehvaig namcel vai Kristo irai padiaig an pece Ijipt: is aktaktai nimtan esjilid aien:

Ilpu Hibru 13:13

Va nitai ineigki intumu apan ehelen akaija an yipin nirahed itac, um leucse nitai ehcamai vaig et idivai yin.

Juta 1:14

Is lep upyi asaig vai ra sji eigki a Inok, natimi is seven ahes irai Atam, um ika, “Etpu idim ham a Natimarid im lep ilpu atimi upene o un et ahinag acen ehelen,

Nitai ehvaig 1:7

¶ Etpu idim ham aien irai epeig; erupu ecet yin atimi asega, im lep ra eris ahcai yin ara: erupu aunyauwaig vai yin nup urai iji pece asega an nobohtan. Maiya, Emen.

Nitai ehvaig 20:11

Kis lep ecetai dorona is ethi ainyak, is alupas um ahi, im lep yin is ateuc iran aien; is apohod u nobohtan im nohatag vai yin; eris eti ecetai tah anuarin ineig inyi amen iran.

Nitai ehvaig 21:8

jai ilpu atimi auatialidi, im ilpu atimi imyiisjis nahcil, im ilpu atimi ago nedo er amcel vaig, im ilpu atimi atgei atmas, im ilpu atimi ago ingaijid, im ilpu atimi araces, im ilpu atimi alaigaheni vai ilpu atmas, im ilpu atimi asan tas ahcil asega, erupu amen ara an netpin et alauma vai incop im narekwas: inmas epitpitac neigki.

Nitai ehvaig 3:5

Aien et esjilid aien, uhpu aso yin ira apelumai ahi, ekpu eti ohpodohpod nidan ainyak an nitasvitai va nitai umoh iran, ja ekpu asuptecnaig nidan ainyak an nuhup u Etmak, im lep an nuhup u ilpu agelo o un.