Lukas 9:22 - Intas Etipup

²² um ika, Eris idim ika etpu ahinag nohocred u Inhal o natimi, erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; erupu atgei yin ara, ja et wit ti pan itac nadiat inyi eseij, etpu lep nusjai aien.

Lukas 9:22 Iomraidhean Croise

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

Taniel 9:26

Etu wit ti pan itac inwiik inyi sikste tu (62) eri atgei Mesia, ja eti va nedo o un: erupu auahas inmaliyum im nimnim itap a ilpu dualep u natimarid iyehki etpu ham aien; etpu idivaig nahgarero uhu wit ago ehni itai, er idim ika eri auahas itai um yetpan an nopan iyehki eri asan nigpa.

Sekaraia 13:7

Et ika a Ihova esjilid acen; Ak nauitoga, aijilahlah aiek va natimi unyak et asgi siip aien, im lep va natimi inig et tup ethi ache pam irak aien: auud natimi asgi siip aiek, ja uhpu imiterimterim siip: ekpu ahidaig nikmak ainyak par imiatamaig niji siip haklin.

Madius 17:12

ja ek asaig ehelemitaij ainyak mika, is idim ham a Elaija, eris eti ato yin ara, eris ago iran ara niji itai asega eris merit ara: etpu idim ucco etpu ohocred a Inhal o natimi vai ra.

Madius 17:22

ERIS wat amen Calili ara, is um ika ehele ra a Iesu, Uhpu ati Inhal o natimi irai ikma atimi:

Madius 27:63

um ika, Ak natimarid, ecra imyiehva aijama intas is asaig a natimi efaifa ineigki, an naopan numoh o un, um ika, Et wit ti pan itac nadiat inyi eseij, ekpu lep nusjai ainyak:

Markus 8:31

Is atupun aien um esege imi ra, um ika, Etpu idim ahinag nohocred u Inhal o natimi; erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; uhpu atgei yin, ja et wit ti pan itac nadiat inyi eseij, etpu lep nusjai aien.

Markus 9:31

Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.

Lukas 17:25

Ja eris idim ika inyi upyi hup aien um leucse nohocred inyi ahinag; erupu lep amcel vai yin atimi an naopan ineig.

Lukas 24:26

eris idim ika yi leucse nohocred iji eigki a Kristo, ja par leh natimi alupas o un.

Lukas 24:44

¶ Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Lukas 24:7

um ika. Uhpu idim ati Inhal o natimi ehele atimi auatatimi, mika eri atgei yin an nauincai atgeig, ja et wit ti pan itac nadiat inyi eseij, etpu lep nusjai aien.

Lukas 9:44

Akumu aktaktai upene intas iji eigki aijaua: uhpu ati Inhal o natimi irai ikma atimi.

1 Nupu Korindus 15:4

eris um atelmoi yin, ja is wat ti pan itac nadiat is eseij, is lep nusjai aien, et idivaig eris aged:

1 Pitrus 1:11

um lep aktaktai naopan iyehki im nedo iran, is ehvaig ehele ra a Nesgai Kristo, is wat upyi hup aien um asuptecnaig nohocred u Kristo, im natimi alupas o un etpu apitac: