Lukas 9:16 - Intas Etipup

¹⁶ Is leh nareto is faiv aien im numu is ero, um easji pan an nohatag, um naaurineig, um iswoplecoplec, um alupai ilpu atimi atahaijeg yin, mika eri edaig ira ra asega ara.

Lukas 9:16 Iomraidhean Croise

Madius 14:19

Is ika aien ehele atimi asjapicnaig, eri ateucse ara irai efelelicai, is leh nareto is faiv aien, im numu is ero, um easji pan an nohatag, um naaurineig, um iswoplecoplec, um alupai ilpu atimi atahaijeg yin nareto iji ehki, eris edaig ira atimi iji ehki a ilpu atimi atahaijeg yin.

Madius 15:36

Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin.

Markus 7:34

um easji pan an nohatag, um adeijai yin, um ika ehelen, Effada, nesgan tas ineigki, Etmu ejose intikgam aiek.

Lukas 22:19

¶ Is leh nareto aien, um naaurineig iran, um aswaplec, um alaa ra, um ika, Nohuk ineigki eris ahtai vai caua: ago nedo ineigki aijaua par imyiehva nyak.

Lukas 24:30

Is wat ateuc ehele rau aien um hag, is leh nareto aien, um naaurineig iran, um aswaplec, um alaa rau.

Lukas 9:15

Is um ucco nago ura ara, um ika eri ateucse ara asega.

Lukas 9:17

Eris hag ara asega, um gaije: eris um asjapicnaig nuari itai hegaig eris eti atahni ara, is ohua nefehcat is twelv.

Joanes 6:11

Is leh nareto a Iesu, um naaurineig iran, ja par alupai ilpu atimi atahaijeg yin, eris alaa atimi ateucse ilpu atimi atahaijeg yin; is lep ucce a numu; eris hegaig ara, um eti ahtahni.

Joanes 6:23

(ja eris ahes Taibiryas niji alvelcau is eche ubutpotet u nuarin iyehki is naaurineig iran Natimarid, ja eris par hag ara:)

Niji auritai o ilpu Apostolo 27:35

Is wat ucce intas o un, is leh nareto aien, um naaurineig vai Atua an nuhup ura asega: is wat iswoplecoplec aien, um atupun um caig.

Nupu Roma 14:6

Aien et apos tah nadiat aien, et apos aien vai Natimarid; aien et eti apos tah nadiat aien, et eti apos aien vai Natimarid. Aien et caig aien, et caig aien vai Natimarid; um naaurineig vai Atua; aien et eti caig aien, et eti caig aien vai Natimarid, um naaurineig vai Atua.

1 Nupu Korindus 10:30

El ek leh ainyak va naiheuc o Atua, er auri par asan tas has vai nyak, va nitai caig ineig ek naaurineig vaig ainyak?

1 Nupu Korindus 11:24

is naaurineig aien, um aswaplec, um ika, Leh aijaua, um caig; nohuk neigki, eris aswaplec vai caua: ago nedo ineigki aijaua par imyiehva nyak.

1 Samuel 9:13

arau wit yetpan u inmaliyum aijaurau, arupu idim ecet yin aijaurau, et wat eti fi aridjipan aien an nuarin ijinies, mika yi hag aien: erupu aitgaig yin natimi, ja par hag; vaig inig nikavaig, et alaigaheni vai nitai ahlap aien; ja era hag ara sji igki er imiacaij ra. Aridjipan aijaurau; arupu ecet yin aijaurau an nopan inig.