Lukas 8:54 - Intas Etipup

⁵⁴ Is abraig pok ijo ra asega aien, um arapse va nikman, um ahlaig, um ika, Ak natahaig ineigki, namu atidai aiek.

Lukas 8:54 Iomraidhean Croise

Jeremaia 31:32

inyi eti idivaig intas etipup iyehki kis ati ainyak ehele ilpu retpora an nopan iyehki kis asjiraig nikmara ainyak mika ki iknipagki ra ahes an pece Ijipt; vaig inig nikavaig, et ika a Ihova, eris eti apos intas etipup unyak iyehki ara, kis wat idivaig natamnyura ainyak:

Madius 9:25

Eris wat alau ijo natimi iji ehki, is apan aien, um arapse va nikman, is um atidai natahaig iyehki.

Markus 1:31

Is um han aien um arahpan va nikman, um imyiatidai yin; is auroauro um edoaijaig iran nemehe ihlup, is um aheca ura aien.

Markus 8:23

Is asjiraig nikmai natimi iyehki aien is aupat nesganimtan, um imyiapan yin an taka uarin; is agdei nesganimtan aien, um atijai nikman iran, um ika ehelen, Na mun ecetai tah nitai aiek, ka oʼo?

Markus 9:27

Ja is arapse va nikman a Iesu, um alcacse yin; is um atidai aien.

Lukas 8:51

Is wat apan aien an neom, is acaiji atimi asega aien mika eri jim apan anliin neom, Pitrus ache, im Jakobus, im Joanes, im lep etmai natahaig im risin.

Lukas 8:53

Eris imyilav yin ara, eris ato ara, nikavaig, is mas aien.

Lukas 8:55

Is um nusjai aien, um auroauro um atidai: is um ika aien eri alaan tah nitai caig.

Joanes 11:43

Is wat ucce intas o un, is ahlaig ijinies aien, um ika, Ak Lasarus, alau ijo aiek.

Joanes 5:21

Et idim imyiatidai ilpu atimi emesmas a Etmak, um imyiatamumoh ra; et um ucco et imyiatamumoh ra sji eigki a Inhal o un et merit vai ra aien.

Niji auritai o ilpu Apostolo 9:40

Is abraig pok ijo ra asega a Pitrus, um atpuse, um alaigaheni; is ahidaig pan yin u nohun aien, um ika, Ak Tabida, atidai aiek. Is asalgei nesganimtan aien: is wat ecet Pitrus aien, um atidai.

Nupu Roma 4:17

(et idivaig eris aged, um ika, “Ek mun ati euc ainyak mika an etpoi nup urai iji pece et ahinag aiek,”) an nuhup o Atua is asgeig iran aien, aien aigki et imyiatamumoh ilpu atimi emesmas aien, um tas va nitai iji eigki et pam eti eteuc et idivaig el et eteuc.