Lukas 8:47 - Intas Etipup

⁴⁷ Is wat ato intakata iyehki mika eris ato yin, is ucjucjucaij aien, um apan ehelen, um atpuse an nuhup o un, um asuptecnaig ehelen an nuhup o atimi asega nitai ineigki is atcei pan yin vaig aien, im lep neti laulau o un um cehcehe.

Lukas 8:47 Iomraidhean Croise

Saam 2:11

Akumu imtitai Ihova aijaua, um atpuse an unhup o un; akumu lep imiacitak aijaua um eucjeucjeucaij.

Saam 38:9

Ak Natimarid, na ato inmerit asega unyak aiek; er lep eti adenaig vai euc naunyauwaig unyak.

Saam 66:16

Ak ilpu atimi imtitai Atua asega, apam aijaua um atahaijeg, ekpu asuptecnaig nitai iji igki ainyak is ago vai nyak aien.

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Hosia 13:1

ERIS wat tas a nup Ifreem, eris ecen vai ra natimi, eris esjilid irai nup Isreel ara; ja eris wat alaigaheni vai ilpu atmas ara, eris emesmas ara.

Hosia 5:3

Ek ato nup Ifreem ainyak, er lep eti adenaig nup Isreel vai nyak: ak nup Ifreem, eka ago ingeijid aijaua an nopan inig, era lep has a nup Isreel.

Habakuk 3:16

Kis wat atahaijeg vaig ainyak, is ohocred inliinmopok ainyak, is eucjeucjeucaij narasi nipjineucsek va nohran iyehki; is yetpam nauatialidi u iji eduok, kis idim eucjeucjeucaij ainyak an muarin amen iran unyak: ja ekpu atumop ainyak an nadiat u nohocred, era wit aridjipam natimi iji igki erupu aat irama ara.

Madius 28:8

Erus ahes o unmun nij arau, um auroauro um atga urau, erus imtitaig arau um imyiacitak alupas; erus athut arau um apan par asuptecnaig ehele ilpu atimi atahaijeg yin.

Markus 5:33

Ja is ato nitai iyehki eris ago i iran a intakata, is imtitaig aien, um ucjucjucaij, um apan, um atpuse an nuhup o un, um asuptecnaig inivaijec nedo o un.

Lukas 8:46

Is ika a Iesu, Et idim atcei pam nyak tah; ek mun ato ainyak, nikavaig, et mun ahes irak nemda.

Lukas 8:48

Is um ika ehelen aien, Ak intakata ineigki, namu imyiacitak aiek: na mun cehcehe aiek va nimyiisjis ninivaijec unyum; atga unyum aiek an neigpa.

Niji auritai o ilpu Apostolo 16:29

Is ika aien, eri alupai yin incop alahala, ig um aliaujai pan aien anliin neom, um ucjucjucaij, um atpuse an nuhup o Paulo im Sailas,

1 Nupu Korindus 2:3

Kis amen ehelemia ainyak an nauatialidi unyak, im nimtitaig unyak, im neucjucjucaij alupas unyak;

2 Nupu Korindus 7:15

Et wat imyiehva nimyiaiji intas o un unyimia asega aien, nikavaig, akis imtitaig aijaua um eucjucjacaij, jam leh yin, et aiyu alupas inliinmopon aien vai caua.

Nupu Filipai 2:12

Va nitai ineig, ak ilpu etoak, akis idim imyiaiji intas o Atua aijaua irai iji adiat, eti an namen unyak ehelemia ache, jam esjilid an naopan ineig an namen unyak irai taka uarin, etmu idim ucco, akumu ahilek nitai imyiatamaig caua aijaua, anliinmopomia imtitaig um ehioehio;

Ilpu Hibru 12:28

Inta mun leh nelcau asjeuc ahtu akaija, va nitai ineigki intumu apol an naiheuc o un akaija, mika ti aheca upene u Atua iran, um eccen vai yin, um imtitai yin:

1 Samuel 16:4

Is ago nitai inig a Samuel is asaig ehelen a Ihova, um yetpan Bedlehem. Eris eucjeucjeucaij a ilpu atimi alupas u inmaliyum iyehki an napam o un, um ika, Nai ham aiek an liinmopom igpa, ka oʼo?