Lukas 8:44 - Intas Etipup

⁴⁴ is apan aien an cehen, um atcei pan intid an napelumai iran; is auroauro um umot nahlamerai u inja iran.

Lukas 8:44 Iomraidhean Croise

Eksotus 15:26

um ika, El eka atahaijeg upene nohrai Ihova Atua unyimia aijaua, um ago nedo upene an nuhup o un, um imiaiji intas alep o un, um apos intas aktit o un, inki eti atijai iramia ainyak tah nemehe iji igki kis atijai nai up Ijipt ainyak; ek idim Ihova ainyak, ek ago cehcehe caua ainyak.

Malakai 4:2

Ja etpu aridjai Nagesega inig et ahes nedo atoh iran vai caua eka imtitaig nidak aijaua, etpu eteuc nitai cehcehe ithai ehpan; akupu apan itac aijaua, um eliaujai, et idivaig hakli kurimatau er alaa ra upene.

Madius 20:34

Is aiheuc vai rau a Iesu, um atcei pan nesganimtarau: erus auroauro arau, um aiji lahlah, um ahced yin.

Madius 8:3

Is adan nikman a Iesu, um atcei pan yin, um ika, Ek idim merit ainyak; namu adicinadicin aiek. Is um auroauro aien um adicinadicin va naleprose iran.

Madius 9:20

¶ Im lep ineig, intakata is ethi, is emehe aien va nahlamerai u inja an mesese is twelv, is apan aien an cehen, um atcei pan intid an napelumai iran:

Markus 6:56

Is wat apan aien irai iji uari-pece haklin, im inuari-pece alupas, im lep tup an pece iyehki, eris um ikni atimi emehe ara irai efalaig, um ugni yin mika eri atcei pan intid an napelumai o un ara: ara eris atcei pan yin ara, eris umumoh ara.

Lukas 13:13

Is atijai nikman iran aien: is auroauro aien um atidaijai, um imyiahpas Atua.

Lukas 7:38

is aiji u neduon aien an nidjin, um taig, um yiri neduon irai idi imtan, um yiri mese irai umri idjinin, um ajumnyi neduon, um aspi an nitai aspi iyehki.

Lukas 8:43

Im lep ineig, intakata is ethi, is emehe aien va nahlamerai u inja an mesese is twelv, is ahtai ehni inpadiaig o un aien imi atimi atipagki nemehe, ja is ehka vai ra nago cehcehe yin vaig;

Lukas 8:45

Is ika a Iesu, Et atcei pam nyak a di? Eris ateri ara asega, ja is ika a Pitrus im lep ra ehelen, Ak Natimi alupas, era atamerit ehelum atimi asega, um euchaijehgaig, na auri aiek par ika, Et atcei pam nyak a di?

Joanes 5:13

Ja is eti ato yin a natimi iyehki is ago cehcehe yin: is um eklim tup tiblaitibla atimi eahki a Iesu um atga o un.

Niji auritai o ilpu Apostolo 19:12

va nedo ineig eris wat leucse apelumai an nohun ara, ka nitai ahid, um imyiapan ehele ilpu atimi emehe, is edoaijaig nemehe ira ra, eris lep atceijai ra a ilpu agelo has.

Niji auritai o ilpu Apostolo 5:15

va nitai ineig, eris imyiapan ilpu atimi emehe ara irai iji efalaig, um ikni ra irai ahat im lep irai itai ahled, mika yi tup ahelmun ra nalmui Pitrus an natga o un.

Tyuteronome 22:12

Namu ati nitai atid aiek an nesvi nahaijin napelumai et for unyum, na adahpoi euc iran aiek.