Lukas 8:41 - Intas Etipup

⁴¹ IS apan natimi is ethi nidan Jerus, natimi alupas an neom alaigaheni; um atpuse u neduei Iesu aien, i um ugni yin mika yi apan aien an neom o un:

Lukas 8:41 Iomraidhean Croise

Lukas 13:14

Is tas edemda a natimi alupas an neom alaigaheni va nedo o Iesu, nikavaig, is ago cehcehe yin aien an nadiat atumop, um ika ehele atimi, Et eteuc nadiat et siks eris idim ika eri auritai iran natimi: apam aijaua ira adiat iji eigki, va uhpu ago cehcehe caua, jam jim ham an nadiat atumop.

Lukas 17:16

is atpuse aien u neduon, um naaurineig vai yin: is upu Samerya aien.

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Lukas 8:42

is eteuc inhalav atahaig o un is ethi ache, is twelv mesese iran, is ubutpotet o unmas o un aien. Is wat apan aien, eris atamerit ehelen atimi.

Lukas 8:49

¶ Is wat tas aien, is ahes tah an nimnim o natimi alupas an neom alaigaheni, um apan, um ika ehelen, Et mun mas inhal unyum, jim imyidohalav Natimi esege aiek.

Joanes 11:21

Is um ika a Marda ehele Iesu, Ak Natimarid, el is wat amen aiek igcaki, el is eti mas a natamaig irak:

Niji auritai o ilpu Apostolo 13:15

Eris wat esvi intas alep ara im intas o ilpu profeta, eris um ika ehele ra a ilpu atimi alupas an neom alaigaheni, Ak ilpu etoama, el et amen ehelemia tah intas ated atimi, akumu asaig aijaua.

Niji auritai o ilpu Apostolo 18:17

Eris arop irai Sosdenes a nupu Crisi asega, natimi alupas an neom alaigaheni, um aredei yin an nuhup u nitai ateuc ineig eh tas alep iran: ja is eti aktaktai nitai iji eigki a Calleo.

Niji auritai o ilpu Apostolo 18:8

Is asgeig irai Natimarid a Krispus, natimi alupas ati neom alaigaheni, im lep ra asega an nimnim o un; eris lep atahaijeg intas a nupu Korindus is ahinag, um imyiisjis ninivaijec, um leh nabaptiso ira ra.

Niji auritai o ilpu Apostolo 9:38

Is ubutpotet pan Litta Joppa, eris wat atahaijeg a ilpu atimi alaigaheni, nikavaig, is amen eahki a Pitrus, eris abraig pan ehelen natimi is ero ara um ugni yin, mika yi auroauro aien um apan ehele ra.

Nitai ehvaig 5:8

Is wat leh nitasvitai iyehki aien, eris eropropse an nuhup u Lam niji itai umumoh is for iji ehki, im ilpu atimi tas alep is twente for, eris apos niji harp ara asega, im niji ipjicolt is ohua nitai auanipin upene iran; niji ataigaheni u ilpu atimi upene ji eigki.