Lukas 8:35 - Intas Etipup

³⁵ Eris apan natimi mika eri almoi nedo ineigki; eris apan ehele Iesu ara, um ecet natimi; iyehki eris atceijai yin a ilpu agelo has, is ateuc aien u neduei Iesu, is amen iran napelumai, is mun eteuc lelen aien: eris um imtitaig ara.

Lukas 8:35 Iomraidhean Croise

Saam 51:10

Ak Atua, namu ago adicinadicin inliinmopok aiek;, um lep imiadumoij pam ehelek inliinmopok upene.

Aiseya 53:12

Va nitai inigki ekpu ahaig itai imi yin ainyak ehele ilpu atimi et ahinag, etpu ahaig naga eris atoraliak an nedoa aien ehele ilpu atimi emda; vaig inig nikavaig, is dekjai nesgan aien um mas: eris esvi pan yin irai ilpu atimi imipalea; is lucsei nimtan nedo has u atimi is ahinag aien, etpu lep alaigaheni aien vai ilpu atimi imipalea.

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Markus 5:15

Eris apan ehele Iesu ara, um almoi natimi iyehki is ahei yin a nagelo has um amen iran Lijon, is ateuc aien, um aso yin an napelumai, is mun eteuc lelen aien; eris um imtitaig ara.

Lukas 10:39

Is eteuc etoan, nidan Mere, is ateucse aien u neduei Iesu, um atahaijeg intas o un.

Lukas 15:17

Is wat eteuc lelen aien, is ika aien, Era amen ehele etmak a ilpu aheca o un va nimtan et ahinag, um hag, jam eti etahni; ja ek mas ainyak va numlaig:

Lukas 2:46

Is wat ti pan itac nadiat is eseij, erus ecet yin arau anliin neom ahlap nateucvaig an niblai ilpu atimi esege; is atahaijeg ra aien, um lep ahodai ra vai itai.

Lukas 8:27

Is wat apahai aien, is aubillid yin natimi is ethi is up an nuarin-pece iyehki aien, eris amen iran a ilpu agelo has itu acen, is eti aso yin aien, um eti amen anliin neom, jam amen irai mai ij eris ikni atimi emesmas iran.

Lukas 8:34

Eris wat almoi nedo ineigki a ilpu atimi aminjinaig picad, eris aha ara, um apan, um asuptecnaig an nuarin-pece im lep an pece iyehki asega.

Niji auritai o ilpu Apostolo 22:3

Ek idim upu Jutaia ainyak, eris apos nyak Tarsus, an pece Silisya, jai kis par alupas ainyak an nuarin-pece ineigki, an neduei Camelyel, eris esege imi nyak mika ki imyiaiji upene intas alep o ilpu retpoija, kis emda ainyak vai Atua, um idivai caua asega an naopan ineig:

1 Joanes 3:8

Aien et ago nedo has aien, is ahes ehele Tiapolo aien; is ago nedo has a Tiapolo itu acen um uhum pam. Va nitai ineigki, is idim ehcohos a Inhal o Atua, mika yi auahas nauritai u Tiapolo.