Lukas 8:3 - Intas Etipup

³ im Joana ehgai Kusa naheca aminjinai itai o Herot, im Susana, im hal ra is ahinag, eris alupai yin niji itai ura ara.

Lukas 8:3 Iomraidhean Croise

1 Iji Tas Eled 29:14

Ja ainyak di aigki im ilpu atimi unyak, mika ecra emda aijama par tup ahtai itai irai liimopoma upene et uce? et ahes ehelum niji itai asega, ecra lep alupai euc hal itai unyum aijama.

Aiseya 23:18

Etpu itai itap vai Ihova naga ura im nimtan ura: erupu eti ikni itai ura ara um eti imiaaij; ja erupu ati naga ura ara vai ilpu atimi iji ig era amen an nuhup u Ihova ara, mika eri hag ara um geije, eri lep aso ra ira apelumai upene ara.

Madius 14:1

AN naopan iyehki is atahaijeg intas vai Iesu a Herot natimarid,

Madius 14:3

IS upyi arop irai Joanes a Herot, um arore yin, um ati yin anliin neom ipjin vai Herotyas, ehgai Filipus etoan.

Madius 14:6

Eris wat aminjinaig nadiat ineig eris apos Herot iran, is adekdikjai inhalav atahaig o Herotyas an nuhup ura, is imyiacitak a Herot.

Madius 2:11

¶ Eris apan ara anliin neom, um ecet inhalav ehele Mere risin, um atpuse an nuhup o un, um alaigaheni vai yin: eris ahiacse padiaig ura ara, um alupai yin niji itai tup ahtai; colt, im nidi libano, im nidi mura.

Madius 20:8

Is wat jupura, is ika a natimi ohuun nekaro vaine ehele naheca o un, Ahlaig vai ilpu atimi auritai aiek, um alupai ra nimtan, um atupun ira atimi apitac um yetpan ira atimi uhup.

Madius 25:40

Etpu tas a Natimarid, um ika ehele ra, Et inivaijec ineig ek asaig ehelemia ainyak mika, akis wat ago nedo ineigki aijaua vaig tah natimi upoupo irai ilpu etoak iji eigki, akis idim ago vai nyak aijaua.

Madius 26:11

era amen ehelemia a ilpu ihki atimi irai iji adiat; ja inki ti amen ehelemia ainyak irai iji adiat:

Madius 27:55

Eris amen eahki a ilpu takata is ahinag, um aiji itac acen par almoi, eris ahes Calili ara, um ahced Iesu, um aheca o un:

Lukas 24:10

Is asuptecnaig nitai iji eigki ehele ilpu apostolo a Mere nupu Mactala, im Joana, im Mere risi Jakobus, im lep nahaiji ilpu takata eris ahced ra ara.

Joanes 12:6

Is eti asan tas ineigki aien va naiheuc vai ilpu ihki atimi o un; ja is atimi ehneg itai aien, is amen ehelen incedpai mune, is apos mune ineig aien eris atohwaig iran.

Niji auritai o ilpu Apostolo 13:1

ERIS amen an nakalasia Anteok hal ilpu profeta, im ilpu atimi esege; Barnabas, im Simeon, tak idan Naijer, im Luseus nupu Sairini, im Maneen, is eredo aien im Herot natimi alupas an pece, im lep Saulo.

2 Nupu Korindus 8:9

Eka idim ato naiheuc o Iesu Kristo Natimarid uja aijaua, nikavaig, is ikni itai aien, ja is ihki natimi aien vai caua, mika aki ikni itai aijaua va nihki natimi o un.

Nupu Filipai 4:22

era aiheuc vai caua a ilpu atimi upene asega, um esjilid naiheuc vai caua, ura an nimnim u Sisar.

1 Timodeus 5:10

eh lep tas upene va niji auritai upene ura; el eris aminjinai ilpu hal ura ara, um aiheuc vai nup urai tak uarin, um yiri eduei ilpu atimi upene, um ago nedo upene vai ilpu atimi ohocred, um apol aktit an niji auritai upene asega.