Lukas 8:2 - Intas Etipup

² im lep nahaiji ilpu takata iji ehki, is ahlo ilpu agelo has ehele ra aien, um atipagki nemehe ira ra, Mere nupu Mactala, eris ahlo ilpu agelo has is seven ehelen,

Lukas 8:2 Iomraidhean Croise

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Markus 16:1

IS wat ti pan itac nadiat atumop, ehtijis auarimtan niji itai auanipin upene a Mere nupu Mactala, im Mere risi Jakobus, im Salomi, mika ehtiji apan um aspi yin.

Markus 16:9

¶ Is wat nusjai a Iesu an nuhihialeg an nadiat uhup irai wiik, is upyi hup aien um ehcohos pan ehele Mere nupu Mactala, aien aigki is ahlo ilpu agelo has is seven ehelen aien.

Lukas 23:27

Eris apitac yin atimi is ahinag, im lep ilpu takata, eris ehtigtaig ara, um imyitaig yin.

Lukas 23:49

Eris aiji itac acen a ilpu etoan asega, im ilpu takata eris ahes Calili ara um ahced yin, um almoi nitai iji eigki.

Lukas 23:55

Eris lep apitac a ilpu takata iji ehki eris ahes Calili ara um ahced yin, um ecetai inmun nij im nati nohun iran.

Lukas 8:30

Is ahodai yin a Iesu, um ika, Nidam di? Is um ika aien, Lijon: eris amen iran nagelo has is ahinag.

Joanes 19:25

¶ Is aiji a risi Iesu ubutpotet u nauincai atgeig o un, im lep etoai risin, Mere ehgai Kleofas, im Mere nupu Maktala.

Niji auritai o ilpu Apostolo 1:14

Eris emda ara asega, is tup i ethi ache inliinmopura ara, um alaigaheni, um ugni itai, im lep ilpu takata, im Mere risi Iesu, im ilpu etoan.