Lukas 8:15 - Intas Etipup

¹⁵ Nupsi itai an nobohtan upene et idivai ra era atahaijeg intas ara, um apos anliinmopura inivaijec um upene, era ohoai itai ara, um eti auatialidi.

Lukas 8:15 Iomraidhean Croise

Saam 119:11

Ekmun adenaig intas unyum an liinmopok ainyak, vai ki jim ago nedo has ainyak vai euc.

Saam 51:10

Ak Atua, namu ago adicinadicin inliinmopok aiek;, um lep imiadumoij pam ehelek inliinmopok upene.

Niji tas Arapakau 3:1

AK inhal unyak, namu jim ahnag irai tas alep unvak aiek; ja etmu aminjinaig niji tas unyak inliinmopom aiek:

Jeremaia 15:16

Kis ecetai Jutas unyum ainyak, kis caig ainyak; is itai cediaig imi nyak intas unyum, is imiacitak inliinmopok vaig: vaig inig nikavaig, eris aniv nyak au nidam, ak Ihova Atua esjilid acen.

Jeremaia 31:33

jai intas etipup inig ekpu ati ainyak ehele nup Isreel nigki; et ika a Ihova, Etu wit ti pan itac nadiat iji ehki, ekpu ati intas alep unyak ainyak irai aktaktai ura, um lep aged irai liimopora; ekpu Atua ura ainyak, erupu lep ilpu atimi unyak ara.

Jeremaia 32:29

erupu apam a nup Kaltia iji ig era aat iran ara, um atnamud inmaliyum inigki an cap, im lep niji eom iji ig, eris ahlap irai itai auanipin upene irai lola eom imi Beal, um atladwi iran niji itai ahlap er umnyi imi ilpu atmas irai taka pece, mika eri auahas inliinmopok.

Madius 24:13

Aien inyi ti adumoij aien, uhpu imyiatamaig yin.

Lukas 11:28

Is ika aien, Maiya, ja era mun idim ahesmoij ara era atahaijeg intas o Atua ara, um imyiaiji.

Lukas 6:45

Et leh nitai upene a natimi upene ira aga upene anliinmopon: ja et leh nitai has a natimi auatatimi ira aga has anliinmopon: et asuptecnaig an nipjineucsen natimi nitai iji eigki et amen alupas anliinmopon.

Lukas 8:14

Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.

Lukas 8:16

¶ Et wat atni incop alahala tah natimi, et eti adahpoi aien an nipjinitai, um eti atise itlian tinan; et atijai aien an nitai ati incop alahala iran, mika yi lah vai ra era apan anliin neom ara.

Joanes 14:15

¶ El et aiyu inliinmopomia aijaua vai nyak, akumu imyiaiji niji tas alep unyak aijaua.

Joanes 15:10

El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak.

Nupu Roma 2:7

um alupai ra sji eigki nitai umoh iran ineig inyi ti lep ti, era amen aktit ara an nedo upene, um ahilek nimyiahpas, im nitai upene, im neti mas ura:

Nupu Roma 6:22

Er ahiyi caua u nedo has, eka lep aheca o Atua aijaua an naopan ineig, um leh nohoai itai ineig va uhpu upene, ja par leh nimtan, nitai umoh iran ineig inyi ti lep ti.

Nupu Roma 7:18

Ek ato ainyak mika et eti amen tah nitai upene ehelek, nikavaig, an nohuk: ek idim merit ainyak, jam eti ato par ago nedo ineig et upene.

Nupu Roma 7:4

¶ Et idim ucco, ak ilpu etoak, eka lep emesmas u intas alep aijaua va nohui Kristo; mika aki amen ehele tak atimi aijaua, aien marom eris imyinusjai yin vai inmas o un, mika ti ohoai itai akaija imi Atua.

Nupu Roma 8:25

Ja el ta aitgaig nitai ineigki akaija inta eti ecetai, inta aminjinaig akaija anliinmopja eti auatiemda.

1 Nupu Korindus 7:19

et takitai naperitome, um lep takitai neti aperitome; jam upene ache naposvaig intas alep o Atua.

Nupu Efesus 2:8

Er idim imyiatamaig caua va naiheuc o un va nimyiisjis ninivaijec unyimia; ja et eti ahes ehelemia: nitai tup ahtai o Atua neigki:

Tyuteronome 30:6

Etpu aperitome inliinmopomia im inliinmopoi ilpu hal unyimia a Ihova Atua unyimia, mika yi aiyu alupas um emda inliinmopomia aijaua vai Ihova Atua unyimia, va akupu umumoh aijaua.

Nupu Filipai 1:11

um amen alupas ehelemia nohoai itai upene vai Iesu Kristo, va uhpu asuptecnaig natimi alupas o Atua im nimyiahpas yin.

Nupu Kolose 1:10

um ago nedo ineig et upene vai Natimarid, mika yi upene inliinmopon aien vai caua; um lep ohoai itai an nedo upene asega, um esjilid an nato Atua;

Nupu Kolose 1:6

is yetpam ehelemia, et idivaig an nobohtan asega; et lep ohoai itai, et idivaig iramia, an naopan iyehki akis atahaijeg vaig aijaua, um ato upene naiheuc o Atua, um imyihum pam an naopan ineig:

Ilpu Hibru 10:36

Et upene vai caua nedo eti auatiemda, va, aku wit imyiaiji intas o Atua aijaua, akupu leh itai aijaua eris asan tas upyi asaig vaig.

Ilpu Hibru 2:1

VA nedo ineigki eris idim ika ti apos upene nitai iji eigki akaija tis atahaijeg vaig akaija, vai ti jim ehveliek akaija an tah naopan.

Jakobus 1:4

Ja etmu ehcohos unene nedo eti auatiemda unyimia, va akupu esjilid aijaua, um upene asega, um eti ihki natimi an tah nitai.

1 Joanes 2:3

Inta ato akaija mika, inta ato yin akaija va nitai ineigki, nikavaig, ele ta imyiaiji tas alep o un akaija.