Lukas 8:14 - Intas Etipup

¹⁴ Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.

Lukas 8:14 Iomraidhean Croise

Madius 13:22

Aien et idivaig nuarin eteuc nefelelicai has iran aien, eris ahoaig nupsi itai iran, aien aigki et atahaijeg intas aien; ja et atgei intas naktaktai niji itai an nobohtan ineigki, im inpadiaig efaifa, et um eti oho aien.

Markus 4:19

ja et asuol inliinmopura nak taktai niji itai an nohohtan ineigki, im inpadiaig efaifa, im nedo ahvig intak itai, um atgei intas, et um eti oho.

Lukas 16:13

Et elika vaig tah natimi nahecavaig u natimi alupas ero: etpu acen inliinmopon aien vaig et ethi, um aiyu inliinmopon vaig et ethi; etpu apol iran et ethi aien, um amcel vaig et ethi. Et elika vai caua nahecavaig o Atua im Mamona.

Lukas 21:34

Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

Lukas 8:13

Ara era idivaig nupsi itai an nij ara, ara aigki era atahaijeg intas ara, um leh, um imyiacitak; et eti eteuc necvan tas ira ra, era eti elvimyiisjis ninivaijec ara, eh wat ago nedo oop vai ra era adumoij ara.

Lukas 8:15

Nupsi itai an nobohtan upene et idivai ra era atahaijeg intas ara, um apos anliinmopura inivaijec um upene, era ohoai itai ara, um eti auatialidi.

Lukas 8:7

Is um lep elel nahaijin irai efelelicai has; is um ededel nefelelicai has, um atgei.

Joanes 15:6

El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud.

1 Timodeus 6:17

Efasaig ehele ra sji eig aiek, era ikni itai an nobohtan ineigki ara, mika yi jim ijinies inliinmopura ara, um jim asgeig an padiaig ineig et eti amen, jam asgeig irai Atua umoh ineig et efalupai caija niji itai asega aien mika ti imyiacitak vaig akaija;

2 Timodeus 4:10

is ude nyak a Timas, is aiyu inliinmopon aien va nobohtan ineigki, is lep atga o un aien um apan Desalonaika; um lep apan Calesya a Kresens, um lep apan Talmesya a Taitus.

Ilpu Hibru 6:1

VA nitai ineigki ekmu ude nesege uhup vai Kristo ainyak, um apan an nesege esjilid; um jim lep ati inpan neom an nadumoij u inliinmopja irai edo has, im nimyiisjis ninivaijec vai Atua,