Lukas 8:10 - Intas Etipup

¹⁰ Is ika aien, Eh mun alupai caua mika aki ato aijaua niji itai adenaig an nelcau o Atua: ja eh tas ehele tak atimi irai tas ecsipece; mika eri alum itai, jam eti almoi; um atahaijeg itai, jam eti ahaijeg.

Lukas 8:10 Iomraidhean Croise

Saam 25:14

Et amen a Ihova ehele ra sji igki era imtitai yin ara; etpu asan tas etipup o un ehele ra aien, mika eri ato itai ara.

Aiseya 29:14

va nitai inigki akumu almoi aijaua, ekpu lep ago nitai inig ainyak vai nup igcaki eri imiali vaig, maiya, eri imiali alupas vaig, etpu esjilid: etpu tiih narapakau u ilpu atimi arapakau ura, etpu idim tiih nanaclelen u ilpu atimi anaclelen ura.

Aiseya 44:18

Era mun eti ato ara, erupu eti aktaktai ara: vaig inig nikavaig, et mun atapnes nesganimtara aien, va eri jim alum itai ara; im inliinmopora, va eri jim aktaktai itai ara.

Aiseya 6:9

Is um ika aien, Apan aiek, um tas ehele nup igcaki, um ika, Akupu idim atahaijeg aijaua, jam eti ahaijeg; akupu idim almoi aijaua, jam eti ecetai.

Jeremaia 5:21

Akumu atahaijeg intas inigki aijaua, ak ilpu atimi auatatimi, et ti lelmia aijaua; et eteuc nesganimtamia, ja eka eti alum itai aijaua; et eteuc intikgamia, ja eka eti atahaijeg itai aijaua:

Esikiel 12:2

Ak inhal u natimi, na amen aiek ehele ilpu atimi imipalea, et eteuc ehele ra nesganimtara mika eri alum itai, ja era eti alum itai ara; et eteuc ehele ra intikgara mika eri atahaijeg itai, ja era eti atahaijeg itai ara: era idim ilpu atimi imipalea a nup uran pece unyum.

Madius 11:25

¶ An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Madius 16:17

Is tas a Iesu, um ika ehelen, Na mun ahesmoij aiek, ak Saimona, inhal o Jona: eris eti asuptecnaig ehelum natimi, jai Etmak an nohatag;

Markus 4:11

Is um ika ehele ra aien, Eh mun alupai caua mika aki ato aijaua niji itai adenaig an nelcau o Atua: ja eh mun asaig nitai iji egki asega irai tas ecsipece ehele tak atimi:

Markus 4:12

mika eri almoi ara, jam eti ato; um atahaijeg, jam eti ahaijeg iran; va eri jim adumoij pam ara, um eti leh neruvan nedo has ura.

Joanes 12:40

“Is ago aupat nesganimtara aien, um ago ipjin inliinmopura; mika eri jim alum itai ara an nesganimtara, um ato itai anliinmopura, um adumoij,” mika ki ago cehcehe ra ainyak.

Nupu Roma 16:25

Uhmu imyiahpas yin et emda aien par imyiaiji aktit caua et idivaig intas-upene unyak im intas asuptecnai Iesu Kristo, et idivaig nehvaig nitai adenaig, eris eti asuptecnaig itu acen,

1 Nupu Korindus 12:11

et ago nauritai iji eigki asega a Nesgan Upene iyehki et tup ethi ache, um ahaig imi atimi asega an nika o un yi idim ucce.

Tyuteronome 29:4

ja is eti alupai caua inliinmopomia ato itai a Ihova, im nesganimtamia par alum itai, im intikgamia par atahaijeg itai, um imihum pam an nopan inig.

Nupu Kolose 2:2

mika yi eropse inliinmopura ara, um aiyu jipe vai ra, um tup ethi ache inliinmopura, um esjilid acen nimyiisjis ninivaijec ura an nato itai, va erupu ato upene ara nitai adenaig u Atua Etmaija, im Kristo;

1 Timodeus 3:16

ET idim inivaijec neigki, nikavaig, et esjilid nitai adenaig an nedo eccen vai Atua, nikavaig, Is ehcohos a Atua an nohun, is ika a Nesgan Upene et atoh nedo o un, eris ecet yin a ilpu agelo, eris asuptecnai yin ehele nup urai iji pece, eris asgeig iran an nobohtan, eris lep imyiapan yin an pece upene.