Lukas 7:44 - Intas Etipup

⁴⁴ Is ahidaig pan yin ehele intakata iyehki aien, um ika ehele Saimona, Almoi intakata ineigki aiek; ek mun ham anliin neom unyum ainyak, ya nai eti alupai nyak inwai yiri neduok aiek: ja et mun yiri neduok irai idi imtan aien, um lep yiri mese irai umri idjinin.

Lukas 7:44 Iomraidhean Croise

Jenesis 18:4

uhmu imiapam tah inwai par yiri neduomitaij, ahtijmu lep atumop aijautaij ithan cai:

Jenesis 19:2

is ika aien, Ak ohwat atimarid. Arumu apam aijaurau anliin neom u naheca unyimirau, um amen an nepig, um yiri neduomirau, arupu aiji aijaurau an nuhialeg, um atga unyimirau. Erus ika arau, Oʼo; ecrupu amen an nefalaig aijumrau an nepig.

Jenesis 43:24

Is imiapan ra anliin neom u Josef a natimi iyehki, um ati inwai ehele ra; eris yiri neduora ara; is lep alayi togke ura nitai caig aien.

2 Samuel 11:8

Is ika a Tevit ehele Uraia, Asuol aiek an nimnim unyum um yiri neduom. Is ahes an neom u natimarid a Uraia um alau ijo, eris imiapitac yin incet itai hegaig u natimarid incan.

Lukas 7:38

is aiji u neduon aien an nidjin, um taig, um yiri neduon irai idi imtan, um yiri mese irai umri idjinin, um ajumnyi neduon, um aspi an nitai aspi iyehki.

Lukas 7:43

Is tas a Saimona, um ika, Ek ika: ainyak natimi ineig is eti aktaktai nimtan alupas o un aien. Is ika ehelen aien, Et inivaijec intas unyum.

Joanes 13:5

ja is par atladwi inwai aien an nipjinitai, um yiri eduei ilpu atimi atahaijeg yin, um yiri mese an napelumai ineig is ahid aien.

1 Timodeus 5:10

eh lep tas upene va niji auritai upene ura; el eris aminjinai ilpu hal ura ara, um aiheuc vai nup urai tak uarin, um yiri eduei ilpu atimi upene, um ago nedo upene vai ilpu atimi ohocred, um apol aktit an niji auritai upene asega.

Jakobus 2:6

Ja eka amcel vai ilpu ihki atimi aijaua. Era idim auaohocred caua a ilpu atimi ikni itai, um aihiaig pan caua irai iji uarin eh tas alep iran:

Ilpu Atimi Tas Alep 19:21

Is imiapan ehtaij anliin neom o un aien, um alaa togke nitai caig: ehtijis yiri neduei tijis ahtaij, um hag um umwig.

1 Samuel 25:41

Is atidai aien, um atpuse an nesganimtan um yetpan an nobohtan, um ika, Etmu aheca a naheca atahig unyum inigki, par yiri neduei ilpu aheca u natimi alupas unyak.