Lukas 7:42 - Intas Etipup

⁴² Is wat eti eteuc tah nitai urau nimtan, is um eti aktaktai nimtan; urau aien. Asuptecnaig ehelek aiek, um ika, inyi esjilid naiyu u inliinmopon tah rau a di vai yin.

Lukas 7:42 Iomraidhean Croise

2 Samuel 14:13

Is ika a intakata, Na a uri aiek par auaaktaktai nitai inigki va atimi u Atua? et ated yin a natimarid wat asan tas iji igki, va nedo o un, nikavaig, et eti imiadumoij pam inhal o un eris ahlo yin a natimarid.

Saam 103:3

et iknipagki nedo has asega unyum aien, um ago cehcehe euc va nemehe asega unyum;

Aiseya 43:25

Ainyak aigki, ek ohpodohpod nedo has unyimia ainyak vai nyak; ekpu eti imiehva niji auatatimi unyimia ainyak.

Aiseya 44:22

Ek mun ohpodohpod nedo has unyimia ainyak, et idivaig napat, im lep niji auatatimi unyimia, et idivaig inmoso: akumu adumoij pam ehelek aijaua; ek mun idim imiatamaig caua ainyak.

Madius 18:27

Is aiheuc vai naheca iyehki a natimi alupas o un, um atceijai yin, um eti aktaktai neruvaig imi yin.

Madius 18:34

Is edemda vai yin a natimi alupas o un, um ati yin ehele ilpu atimi aredei yin, um uhum pan naopan iyehki etpu aru ehni aien.

Madius 6:12

Um jim aru tah nedo has unyima aiek, et idivaig ecra eti aru tah nedo has o atimi vai cama aijama.

Lukas 7:43

Is tas a Saimona, um ika, Ek ika: ainyak natimi ineig is eti aktaktai nimtan alupas o un aien. Is ika ehelen aien, Et inivaijec intas unyum.

Nupu Roma 3:24

uhpu ika et atoh nedo ura vai intup naiheuc o un, va nimtaija o Iesu Kristo:

Nupu Roma 5:6

Intis wat auatialidi akaija, is idim mas a Kristo an naopan iyehki eris ati, par asitu irai ilpu atimi auatatimi.

Nupu Calesya 3:10

Uhpu idim aru ira ra asega era apol an nimyiaiji intas alep ara: eris aged, um ika, “Uhpu aru ira atimi asega era eti apos niji itai asega eris aged an nitasvitai an tas alep, um imyiaiji.”

Nupu Efesus 1:7

aien aigki is auanimtara aien an ja iran, nikavaig, eris iknipagki nedo has uja, et idiva naiheuc esjilid acen o un;

Nupu Efesus 4:32

akumu lep ago nedo upene jipe vai caua aijaua, um updak inliinmopomia, um jim aru jipe nedo has unyimia vai caua, et idivaig ineig, nikavaig, et eti aru nedo has unyimia a Atua irai; Kristo.

Nupu Kolose 3:13

etmu jim edemda jipe inliinmopomia aijaua vai caua, um jim imyiehva jipe nedo has unyimia vai caua, el et has inliinmopon tah vaig tah natimi: et idivaig is eti imyiehva nedo has unyimia a Kristo, etmu ucce nedo unyimia aijaua.