Lukas 7:40 - Intas Etipup

⁴⁰ Is tas a Iesu, um ika ehelen, Ak Saimona, ek merit ainyak intasvaig ehelum. Is ika aien, Ak natimi esege, namu tas aiek.

Lukas 7:40 Iomraidhean Croise

1 Ilpu Atimarid 2:14

Is lep ika aien, Ekpu asaig tah nitai ehelum ainyak. Is ika aien, Asaig aiek.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Malakai 1:6

Et ecen vai etman a inhal o un, et lep ecen vai natimi alupas o un a naheca o un: ek idim etmai ilpu atimi unyak ainyak, ja era eti ecen vai nyak ara; ek idim atimi alupas u ilpu aheca unyak ainyak, ja era eti imtitai nyak ara; et uce intas o Ihova ehelemia, ak ilpu atimi ahlap iji igki, eka amcel vai nidak aijaua. Ja eka ika aijaua, Ecra mun amcel vai nidam an he aijama?

Madius 26:49

Is eti laulau is um yetpan aien ehele Iesu, um ika, Kaiheuc vai euc, ak Natimi esege; um aijumnyi yin.

Madius 7:22

Erupu ika ehelek natimi inyi ahinag an nadiat iyehki, Ak Natimarid, ak Natimarid, ecris tas aijama an nidam, um ahlo ilpu agelo has va nidam, um ago niji auritai esjilid is ahinag va nidam.

Lukas 18:18

¶ Is ahodai yin natimi alupas is ethi, um ika. Ak Natimi esege upene, inki ago inhe ainyak va ekpu leh nitai umoh iran ineig inyi ti lep ti?

Lukas 5:22

Is wat ato naktaktai ura a Iesu, is tas aien, um ika ehele ra, Inhe ineigki eka aktaktai anliinmopomia aijaua?

Lukas 5:31

Is tas a Iesu, um ika ehele ra, Er eti ika ehele natimi atipagki nemehe yi aminjinai ra era cehcehe ara; ja ara ache era emehe ara:

Lukas 6:8

Is ato naktaktai ura aien, um ika ehele natimi ineig is urauo nikman, Atidai aiek, um aiji an nibla ra. Is atidai aien, um aiji.

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Lukas 7:41

Is ika aien. Is eteuc natimi ahtai itai is ethi, erus eti aru mune: o un natimi is ero: is eti aru nuarimune is faiv huntret natimi is ethi, um eti aru nuari-mune is fifte natimi is ethi.

Joanes 13:13

Eka anvi nidak aijaua par ika, Natimi esege, im lep Natimarid: et upene intas unyimia; ek idim ucco ainyak:

Joanes 16:19

Is ato a Iesu mika eris merit ara nahodai yin vaig, is ika ehele ra aien, Eka mun tas jipe ehelemia aijaua, ka oʼo, vai intas ineig ek mun asaig ainyak mika, Akupu eti lep ecet nyak aijaua tupko; ja par lep ecet nyak tupko?

Joanes 16:30

ecra ato aijama an naopan ineig, mika na tup ispum ato niji itai asega aiek, um eti ika yi pu ahodai euc tah natimi: va nitai ineigki, ecra imyiisjis ninivaijec aijama mika as ahes ehele Atua aiek.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et elika vaig tah natimi nagovaig niji auritai elika iji eigki na ago aiek, el et eti amen ehelen a Atua.