Lukas 7:37 - Intas Etipup

³⁷ Is amen an nuarin-pece iyehki intakata auatatimi is ethi, is wat ato aien, nikavaig, is ateuc a Iesu um hag anliin neom o Farisi, is leh nipjinitai alabaster aien is amen iran nitai aspi,

Lukas 7:37 Iomraidhean Croise

Madius 21:31

Is imyiaiji intas o etman a di ira rau? Eris ika ehelen ara, Inmetto. Is ika ehele ra a Iesu, Et inivaijec ineig ek asaig ehelemia ainyak mika, Era uhup a ilpu atimi akwanaham im ilpu takata ago ingaijid um apan an nelcau o Atua, eka apitac aijaua.

Lukas 18:13

Is aiji itac acen a natimi akwanaham, is pam eti easji pan an nohatag aien: is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 5:30

Eris tas upoupo a ilpu atimi esege im ilpu Farisi vai ilpu atimi atahaijeg yin, um ika, Eka auri aijaua par ehrihag um umwig aijaua im ilpu atimi akwanaham im ilpu atimi auatatimi?

Lukas 5:32

kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Lukas 7:34

Et mun ham a Inhal o natimi, um hag um umwig; ja eka ika aijaua, Almoi natimi ineigki, et hag alupas aien, um umnyi waina, et etoai ilpu atimi akwanaham aien, im ilpu atimi auatatimi!

Lukas 7:36

¶ Is imyiacaij yin a Farisi is ethi mika yi apan aien um hag ehelen. Is apan aien anliin neom o Farisi iyehki, um ateuc um hag.

Joanes 11:2

(Is atamaig irai Mere iyehki a Lasarus natimi emehe, is aspi neduei Natimarid aien an nitai aspi, um yiri mese irai umri idjinin.)

Joanes 9:24

Eris lep ahlaig vai natimi iyehki ara, is aupat nesganimtan, um ika ehelen, Namu imyiahpas Atua aiek: ecra ato aijama mika et atimi auatatimi natimi ineigki.

Joanes 9:31

inta idim ato akaija, nikavaig, et eti atahaijeg ilpu atimi auatatimi a Atua: ja el et alaigaheni vai Atua tah natimi, um imyiaiji intas o un, el et atahaijeg yin aien:

Nupu Roma 5:8

Ja is ehvaig naiyu u inliinmopon a Atua vai caija, nikavaig, intis wat ilpu atimi auatatimi akaija, is mas a Kristo par asitu iraija.

1 Timodeus 1:15

Et inivaijec intas ineigki, um upene neteuc iran asega vaig, nikavaig, is asuol sepam a Iesu Kristo an nobohtan ineigki, mika yi imyiatamaig ilpu atimi auatatimi; ek esjilid ira ra ainyak.

1 Timodeus 1:9

eh lep ato, nikavaig, eris eti ati intas alep va natimi atoh nedo o un, ja vai ilpu atimi esjum vai intas alep, im ilpu atimi imyipalea, im ilpu atimi auatatimi, im ilpu atimi ago nedo has, im ilpu atimi auatiimrigimrig, im ilpu atimi afakahcil has, im ilpu atimi atgei etmara, im ilpu atimi atgei risira, im ilpu atimi atgei atmas,

1 Pitrus 4:18

El et ehka nimyiatamaigvaig ilpu atimi atoh nedo ura, erupu ehcohos eda a ilpu atimi eti alaigaheni, im ilpu atimi auatatimi?