Lukas 7:22 - Intas Etipup

²² Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau mun almoi aijaurau um atahaijeg vaig; nikavaig, et lep lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi lepros, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Lukas 7:22 Iomraidhean Croise

Nitaasviitai u Job 29:15

Kis esgaiimtai ilpu atimi apat nesganimtara ainyak, um eduei ilpu atimi asvahteuc neduora.

Saam 146:8

et asalgei nesganimtai ilpu atimi apat nesganimtara a Ihova: et imiatidai ra a Ihova era apakapak ara: et aiyu inliinmopoi Ihova vai ilpu atimi et atoh nedo ura:

Aiseya 42:16

Ekpu atau irai ilpu atimi apat nesganimtara ainyak an nefalaig inig eris eti ato ara; ekpu lep ika ainyak eri atga irai efalaig iji ig ara eris eti ato ara: ekpu lep ika ainyak yi isjeupigmoig napat inlah an nuhup ura, um lep ika yi marara niji uarin tipetipe. Intas upyi asaig unyak ji igki kis asaig ainyak jam eti ahnag iran.

Aiseya 43:8

Et mun imiapam ilpu atimi apat nesganimtara a Ihova, era lep alum itai ara; im lep ilpu atimi ucjipines intikgara, era lep atahaijeg intas ara.

Jeremaia 31:8

Akumu ato aijaua mika, ekpu lucsei ra ainyak an pece inig et ahes iran narutu um imiapam ra, ekpu lep asjapicnai ra ainyak irai tid an nobohtan, erupu ahced ra a ilpu atimi apat nesganimtara, im ilpu atimi asvahteuc neduora, im ilpu takata opoc, im ilpu takata iji ig erupu ika ara eri apos ilpu hal ura: erupu ehradumoij pam igcaki niji ira atimi inyi alupas.

Sefanaia 3:12

Ekpu udei ehelemia ilpu atimi upoupo inliinmopora im ilpu ihki atimi ainyak, erupu lep asgeig an nidai Ihova ara.

Madius 11:5

Et lah nesganimtai ilpu atimi …pat nesganimtara, um atga a ilpu …timi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 21:14

Eris apan ehelen anliin neom ahlap a ilpu atimi aupat nesganimtara, im ilpu atimi asvahteuc neduora; is ago cehcehe ra aien.

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Lukas 7:21

Is um ago cehcehe atimi is ahinag aien an nuarin-nadiat iyehki va nauatialidi ira ra, im nemehe has, im ilpu agelo has; um ago lah nesganimta atimi is ahinag is aupat nesganimtara.

Lukas 7:23

Et mun ahesmoij natimi ineig, et eti imyiehcamai nyak aien.

Joanes 1:46

Is ika ehelen a Nadanyel, Et idim ahes an Nasared tah nitai upene, ka oʼo? Is um ika ehelen a Filipus, Apam aiek um almoi.

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Niji auritai o ilpu Apostolo 8:7

Eris ahlaig ijinies a ilpu agelo has, um atceijaig natimi is ahinag eris amen ira ra ara: eris lep cehcehe natimi is ahinag eris emehe ara va napalse, im ilpu atimi asvahteuc neduora.

Jakobus 2:5

Akumu atahaijeg aijaua, ak ilpu etoak upene, is idim ehtai ilpu ihki atimi iji eigki an nobohtan ineigki a Atua, era esjilid ara an nimyiisjis ninivaijec ura, um lep ohuun nelcau ineig is upyi asaig aien ehele ra et aiyu inliinmopura ara vai yin.