Lukas 7:2 - Intas Etipup

² Is emehe naheca o natimi alupas o ilpu eucsupo is ethi, um ubutpotet o unmas o un, is aiyu inliinmopon aien vai yin.

Lukas 7:2 Iomraidhean Croise

Jenesis 24:27

Is ika aien, Naaurinig vai Ihova, Atua u Ebraham natimi alupas unyak, et inveijec aien, um aiheuc vai natimi alupas un-yak, um eti udei yin: kis wat atga an nefalaig ainyak, is imiapam nyak a Ihova an nimnim u ilpu etwai natimi alupas unyak.

Jenesis 35:8

Ja is mas a Tebora intakata aminjinaig Ribeka, eris atelmoi yin ubutpotet pan Bedel itlian cai alupas is ethi: eris anvi nidan par ika Alon-Bakud, (Incai taigtaig).

Nitaasviitai u Job 31:5

El ekis imiisjis nahcil ainyak; el ekis auroauro ainyak par apitac an nedo efaifa;

Niji tas Arapakau 29:21

Aien et aminjinaig upene naheca o un aien ahes an halav o un, et par apitac aien, um ika yi hal o un aien.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Lukas 23:47

Is wat almoi nitai iji eigki a natimi alupas u ilpu eucsupo, is imyiahpas Atua aien, um ika, Et idim atimi upene natimi ineigki.

Lukas 7:1

IS tas ehni aien irai tas asega o un ehele atimi, ja par apan Kaperneum.

Lukas 7:3

Is wat atahaijeg vai Iesu aien, is abrai ilpu atimi tas alep u nupu Jutaia aien, mika eri apan ara um ugni yin, mika yi han aien um ago cehcehe naheca o un.

Lukas 8:42

is eteuc inhalav atahaig o un is ethi ache, is twelv mesese iran, is ubutpotet o unmas o un aien. Is wat apan aien, eris atamerit ehelen atimi.

Niji auritai o ilpu Apostolo 10:1

IS amen natimi is ethi Sisaria, nidan Kornilyus, is atimi alupas o ilpu eucsupo iji eig aien eris ika vai ra Ilpu eucsupo Itale;

Niji auritai o ilpu Apostolo 10:7

Is wat atga o un a nagelo iyehki is tas aien ehele Kornilyus, is ahlaig aien vai naheca is ero o un, im lep neucsupo upene is ethi ira ra eris aheca o un ara irai iji adiat;

Niji auritai o ilpu Apostolo 22:26

Is wat atahaijeg a natimi alupas o ilpu eucsupo, is apan aien um asaig ehele natimi alupas esjilid, um ika, Aktaktai nitai ineig napu ago aiek; et upu Roma a natimi ineigki.

Niji auritai o ilpu Apostolo 23:17

Is ahlaig vai natimi alupas o ilpu eucsupo is ethi a Paulo, um ika, Imyiapan intakuras ineigki aiek ehele natimi alupas esjilid unyimia: et merit aien nasuptecnaigvaig ehelen tah nitai.

Niji auritai o ilpu Apostolo 27:1

ERIS wat ika ecri atga an nelcau an pece Itale aijama, eris ati Paulo im lep nahaiji ilpu atimi eris arore ra ehele natimi is ethi, nidan Juleus, natimi alupas o ilpu eucsupo iji ehki eris anvi nidara mika Ilpu eucsupo o Akustus.

Niji auritai o ilpu Apostolo 27:3

Is wat lahlah an tak apnyin, ecris atise inhititautau aijama Saiton. Is ago nedo upene vai Paulo a Juleus, um ika yi apahai ehele ilpu etoan aien, eri aiheuc vai yin ara.

Niji auritai o ilpu Apostolo 27:43

Ja is merit a natimi alupas o ilpu eucsupo nimyiatamaigvaig Paulo, um acaiji naktaktai ura; um ika ehele ra sji ehki eris ato ara par agag, eri uhup ara um aliaujaise an jop, um apahai:

Nupu Kolose 3:22

Ak ilpu aheca, akumu imyiaiji intas o ilpu atimi alupas unyimia aijaua an nobohtan irai iji itai asega; um jim auaraheca almoi, et idivai ra era ahilek nimyiahpas u atimi ara; ja etmu inivaijec inliinmopomia aijaua, um imtitai Atua: