Lukas 7:19 - Intas Etipup

¹⁹ Is ahlaig a Joanes vai ohwat atimi atahaijeg yin is ero, um abrai rau mika eru apan ehele Iesu, um ahodai yin, um ika, Na atimi iyehki aiek eris ika, Etpu ham aien, ka intupu aitgai yin akaija?

Lukas 7:19 Iomraidhean Croise

Jenesis 22:18

erupu ahesmoij a nup urai iji pece asega vai mapom; va nedo unyum, nikavaig, na mun imiaiji intas unyak aiek.

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

Jenesis 49:10

Inyi eti ti natimi alupas irai ilpu mapoi Juta, im lep natimi tas alep irai ilpu eteuc iran, um imihum pan an nopan iyehki etpu ham a Sailo; erupu atahaijeg intas o un a nup urai iji pece.

Aiseya 11:1

ETPU upuhas a Jese et idivaig nighincai; etpu ehcohodaig Inrancai an neucvan:

Aiseya 7:14

Va nitai inigki etpu alupai caua nitai asjaaicnaig a Natimarid; Etpu idim opoc a natahig, um apos inhalav atamaig, um anvi nidan par ika Imanuel. (Atua eheleija.)

Maika 5:2

Ak nup u Bedlehem Efrata, eka idim eti elpat aijaua irai up u Juta et ahinag acen, ja etpu ahes ehelemia um ehcohos pam vai nyak aien etpu atimarid irai up Isreel aien; is eteuc aien itu acen irai iji mesese asega.

Haceai 2:7

ekpu eucjeucjaig nup urai iji pece asega ainyak, ja etpu hame niji itai merit u nup urai pece asega; et ika a Ihova esjilid acen, Ekpu ika ainyak yi ohua natimi alupas unyak an neom inigki.

Sekaraia 9:9

Ak nup u Saion, akumu imiacitak alupas aijaua; ak nup u Jerusalem, akumu ahlaig va nimiacitak aijaua: almoi! etpu yetpam a Natimarid unyimia ehelemia: et atoh nedo o un, et lep imiatamaig atimi aien; et upoupo inliiumopon aien, et um ateuc irai togke aien, inhakli togke marom.

Malakai 4:2

Ja etpu aridjai Nagesega inig et ahes nedo atoh iran vai caua eka imtitaig nidak aijaua, etpu eteuc nitai cehcehe ithai ehpan; akupu apan itac aijaua, um eliaujai, et idivaig hakli kurimatau er alaa ra upene.

Markus 6:7

IS asjapicnaig atimi is twelv ehelen aien, um atupun um abrai ra, mika eri apan ara um aro maro ehni; is alupai ra nemda aien, mika eri esjilid irai ilpu agelo has ara;

Lukas 10:1

IS wat ti pan itac nitai iji eigki, is lep ikni natimi is sevente is eche a Natimarid, um abrai ra mika eri apan ara um aro um aro ehni, um uhup iran irai iji uari-pece asega im lep irai iji uarin iji eig, is ika aien yi apan iran.

Lukas 11:1

IS alaigaheni aien an nuarin is ethi, wat atiid, is ika ehelen natimi atahaijeg yin is ethi, Ak Natimarid, esege nalaigaheni imi cama aiek, et idivaig is esege imi ilpu atimi atahaijeg yin a Joanes.

Lukas 11:39

Is ika ehelen a Natimarid, Ak ilpu Farisi, eka ago adicinadicin inyipin nipjinitai itac aijaua im lep naplet; ja et ohua inliinmopomia aijaua va niji itai eris atoraliak, im nedo has.

Lukas 12:42

Is ika a Natimarid, Naheca inivaijec ineig um arapakau yek eda, etpu ati yin a natimi alupas o un mika yi esjilid aien irai ilpu aheca o un, par alaa ra nitai caig incara an nadiat ineig yi alaa ra?

Lukas 13:15

Is tas ehelen a Natimarid, um ika, Ak natimi efaifa, natimi ineig yek eda iramia, et eti ikni pan itac kurimatau o un aien ka nifo o un an nadiat atumop, um imyiapan ui wai?

Lukas 17:5

¶ Eris ika ehele Natimarid a ilpu apostolo, Namu ika aiek yi esjilid nimyiisjis ninivaijec unyima.

Lukas 17:6

Is ika a Natimarid, El et idivaig nupsi mustart nimyiisjis ninivaijec unyimia, el eka ika aijaua va nateg ineigki, Uhmu atecrei, um ahoaig an jop; etpu ahgei intas unyimia.

Lukas 18:6

Is ika a Natimarid, Akumu atahaijeg aijaua intas o natimi alupas auatatimi iyehki.

Lukas 19:8

Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.

Lukas 22:61

Is ahidai yin a Natimarid, um umaharei Pitrus. Is imyiehva a Pitrus intas iyehki is upyi asaig ehelen a Natimarid, um ika, Napu ehceseij ateri nyak aiek, ja etpu ahlaig injaa.

Lukas 24:34

eris ika ara, Et mun idim nusjai a Natimarid, um ehcohos ehele Saimona.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 7:20

Erus apan ehelen natimi erahki, um ika, Et abrai cumrau a Joanes Natimi baptiso, mika ecru ahodai euc, um ika, Na atimi iyehki aiek eris ika, Etpu ham aien, ka intupu aitgai yin akaija?

Joanes 11:2

(Is atamaig irai Mere iyehki a Lasarus natimi emehe, is aspi neduei Natimarid aien an nitai aspi, um yiri mese irai umri idjinin.)

Joanes 4:1

IS wat ato a Natimarid, nikavaig, eris atahaijeg a ilpu Farisi mika is leucse ilpu atimi atahaijeg yin is ahinag a Iesu um baptiso ira ra, jam leucse eti elpat a Joanes,

Joanes 4:25

Is um ika ehelen a intakata iyehki, Ek ato ainyak, nikavaig, etpu yetpam a Mesia, er anvi nidan par ika Kristo: et wit ham aien, etpu asuptecnaig ehelema aien niji itai asega.

Joanes 6:23

(ja eris ahes Taibiryas niji alvelcau is eche ubutpotet u nuarin iyehki is naaurineig iran Natimarid, ja eris par hag ara:)

Josua 2:1

IS abrai natimi is ero Sitim a Josua inhal u Nun mika eru apan arau um adpau jam eti asaig, um ika, Arumu apan aijaurau um almoi inpece, Jeriko marom. Arus atga urau arau, um apan an neom u intakata has is ethi, nidan Rehab, um amen eahki.

Nitai ehvaig 11:3

Ekpu ati ohwat atimi asuptecnaig nyak et ero ainyak, mika eru ahidan tas arau ira adiat inyi twelv huntret im sikste, um aso rau ira apelumai ucai: