Lukas 7:16 - Intas Etipup

¹⁶ Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Lukas 7:16 Iomraidhean Croise

Saam 65:9

Na mun ateghe nobohtan aiek, um ika yi opoh; napu ika aiek yi idim upene; et amen inwai alupas an nofowai u Atua; napu ika aiek yi eteuc korn incara, as ago nobohtan vaig aiek.

Eksotus 4:31

Eris imiisjis ninveijec natimi: eris wat atahaijeg ara mika is ateghe nup Isreel a Ihova, um almoi nohocred ura, eris atpuse ara um ago nalaigaheni.

Jeremaia 33:9

Erupu itai imiacitak ara vai nyak, im lep nitai cediaig, im nitai esjilid, an nuhup u nup urai iji pece asega an nobohtan iji ig, erupu ahgei intas vai itai upene asega iji ig ara ek alupai ra ainyak: erupu lep imtitaig ara um eucjeucjeucaij vai niji itai upene asega im namen upene asega inig ek leh vai ra ainyak.

Madius 15:31

Eris imyiali natimi is ahinag, eris wat alum ilpu atimi pop ara intasvaig, im ilpu atimi ighin nupene vaig nohura, im ilpu atimi asvahteuc neduora natgavaig, im ilpu atimi aupat nesgaimtara nalum itai vaig: eris um imyiahpas Atua o nupu Isreel ara.

Madius 21:11

Eris um ika natimi is ahinag, Iesu neigki, naprofeta an Nasared an pece Calili.

Madius 28:8

Erus ahes o unmun nij arau, um auroauro um atga urau, erus imtitaig arau um imyiacitak alupas; erus athut arau um apan par asuptecnaig ehele ilpu atimi atahaijeg yin.

Madius 9:8

Eris wat almoi natimi is ahinag, eris imyiali ara, um imyiahpas Atua va nedo o un, nikavaig, is ati nemda ineigki aien ehele atimi.

Lukas 1:65

Eris imtitaig atimi asega eris amen ubutpotet ehele ra ara: is apaahni intas va nitai iji eigki irai lola edoon asega an pece Jutaia.

Lukas 1:68

NAAURINEIG vai Ihova Atua o nupu Isreel; et mun ateghe ilpu atimi o un aien, um imyiatamai ra,

Lukas 19:44

erupu alcapdicraig euc ara, im lep natimi iram; inyi eti amen inhat inyi ethi irai taka hat; va nitai ineig, nikavaig, as eti ato naopan ateghe euc unyak aiek.

Lukas 2:20

Eris atga ura a ilpu atimi asgi siip, um naaurineig vai Atua, um imyiahpas yin, va nitai iji eigki asega eris atahaijeg ara um almoi, et idivaig eris asaig ehele ra.

Lukas 24:19

Is ika aien ehele rau, Nevitai? Erus ika ehelen arau, Nitai iji eigki vai Iesu nup an Nasared, is aprofeta aien, is esjilid nedo o un im intas o un an nuhup o Atua im lep atimi asega:

Lukas 5:26

Eris imyiali ara asega, um imyiahpas Atua; eris imtitaig alupas ara, um ika, Inta mun almoi niji itai imyiali akaija an nadiat ineigki.

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Lukas 7:15

Is um atidai natimi mas iyehki, um tas. Is ati yin aien ehele risin.

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Lukas 8:37

Eris ugni yin a nupu Catara asega mika yi arga o un aien, um i ude ra; eris imtitaig alupas ara: is aridjai an nelcau aien, um adumoij pan.

Lukas 9:19

Eris tas ara, um ika, Nai Joanes aiek Natimi baptiso; um lep ika nahaiji ra, Elaija; um lep ika nahaiji ra, Et mun lep nusjai tah et ethi irai ilpu profeta itu acen.

Joanes 1:21

Eris lep ahodai yin ara, um ika, Aiek di aigki? Na Elaija aiek, ka oʼo? Is um ika aien, Oʼo. Eris um ika ara, Na aprofeta iyehki aiek, ka i oʼo? Is um ika aien, Oʼo.

Joanes 1:25

Eris ahodai yin ara, um ika ehelen, El et eti Kristo aiek, ka Elaija, ka naprofeta iyehki, na auri aiek par baptiso ira atimi?

Joanes 4:19

Is um ika ehelen a intakata iyehki, Ak natimi alupas, ek ato ainyak, nikavaig, na aprofeta aiek:

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 9:17

Eris lep ika ara ehele natimi iyehki is aupat nesganimtan, Na ikha aiek vai yin is asalgei nesganimtam aien? Is um ika aien, Et aprofeta aien.

Niji auritai o ilpu Apostolo 5:5

Is wat atahaijeg intas iji eigki a Ananaias, is eropse aien, um mas: eris imtitaig alupas ara asega eris atahaijeg ara va nitai iji eigki.

Niji auritai o ilpu Apostolo 7:37

Aien ahki Moses, is ika aien ehele nupu Isreel, “Etpu imyiatidai imi caua Naprofeta inyi ethi a Ihova Atua unyimia irai ilpu etoamia, inyi idivai nyak; akumu atahaijeg yin aijaua.”

Nupu Calesya 1:24

Eris um imyiahpas Atua vai nyak ara.

Tyuteronome 18:15

Etpu imiatidai Naprofeta inyi ethi imi caua a Ihova Atua unyimia, irai ilpu etwamia, inyi idivaig nyak; akumu atahaijeg intas o un aijaua;