Lukas 7:12 - Intas Etipup

¹² Is wat apan aien ubutpotet u neucse nathatahau an nuarin-pece iyehki, eris ahlisahlis natimi mas is ethi, is halav atamaig is ethi ache o risin aien, is mas natamnyu un: eris ahced yin natimi is ahinag an nuarin-pece iyehki.

Lukas 7:12 Iomraidhean Croise

Jenesis 22:12

Is ika a nagelo, Jim atgei intakuras inaico aiek, um jim ago tah nitai vai yin: ek idim ato ainyak mika, nai imtitai Atua aiek, va nedo unyum, nikavaig, na mun eti imiaaij Aisak inhal unyum et ethi ache aiek vai nyak.

Jenesis 22:2

Is ika a Atua, Leh inhal unyum aiek, inhal unyum et ethi ache Aisak, et aiyu inliinmopom aiek vai yin, um apan an pece Moraia; um ahlap iran eahki nitai ahlap atnamud, an lolan nedoon et ethi, ekpu asuptecnaig ehelum ainyak.

2 Samuel 14:7

Va nitai inigki era mun atidai a ilpu atimi ehpan irak asega vai naheca atahig unyum inigki; era mun ika ara, Atcijai yin is atgei etwan aien, mika ecri atgei yin aijama vai inmas u etwan is atgei yin aien; ecrupu atgei natimi isjeupigmoig etman marom aijama: va nedo inigki eri ahni inmehlin cap unyak inig et eled ara, um eti udei ehele natamnyu unyak tah nidan, ka tah natimi isjeupigmoig yin an nobohtan.

1 Ilpu Atimarid 17:12

Is ika aien, Et idim umoh a Ihova Atua unyum, et idim inveijec et ti tah nareto unyak, ja numkai flaur ache irai cask, im narakei tintin an hubej: ek lep arecai ainyak et eti elpat mika ki apan ainyak um ahen incak im incai inhal unyak, va ecrupu hag aijumrau ja par mas.

1 Ilpu Atimarid 17:18

Is ika ehele Elaija aien, Na a uri aiek, ak natimi u Atua, as ham aiek par ahugni lelek va nedo has unyak, um atgei inhal unyak, ka oʼo?

1 Ilpu Atimarid 17:23

Is leh inhalav a Elaija, um ahes an nuarin neom iyehki, um imiasuol yin an neom, um ati yin ehele risin: is ika a Elaija, Almoi, et umoh a inhal unyum.

1 Ilpu Atimarid 17:9

Atidai aiek, um apan an maliyum Sarefad, an pece Saiton, um amen eahki: kis asaig ainyak ehele intakata et ethi eahki is mas a natamnyu un mika yi alaam nitai caig.

2 Ilpu Atimarid 4:16

Is ika aien, Napu ablim pam inhalav atamaig unyum aiek an nopan iyehki, et idivaig nopan o un. Is ika aien, Oʼo, ak natimi alupas, natimi u Atua, jim asan tas ahcil ehele naheca atahig unyum.

2 Ilpu Atimarid 4:20

Is wat leh yin aien, um imiapan yin ehele risin, is ateuc an nijin neduon aien um yetpan an nadiatadiat, ja pah mas.

Nitaasviitai u Job 29:13

Is yetpam irak intas naaurinig o un is ubutpotet u unmas o un aien; kis ika ainyak va nedo unyak yi imiacitak inliinmopoi intakata inig is mas natamnyu un.

Sekaraia 12:10

Ekpu atladwi Nesgak ainyak irai ilpu mapoi Tevit, im lep irai nup u Jerusalem, et idivaig nesgai naiheuc im lep nesgai nugyi itai: erupu yasjipam nyak ara eris ahcai nyak ara, erupu imitaig yin ara, et idivaig tah et imitaig inhalav atamaig o un aien et ethi ache aien, um imitaig afakatotau yin, et idivaig tah et imitaig afakatotau inhal o un inmeto.

Lukas 7:11

IS wat lahlah an tak apnyin, is apan aien an nuarin-pece is ethi, nidan Nein; eris ahced yin a ilpu atimi atahaijeg yin is ahinag, im lep atimi asega.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 8:42

is eteuc inhalav atahaig o un is ethi ache, is twelv mesese iran, is ubutpotet o unmas o un aien. Is wat apan aien, eris atamerit ehelen atimi.

Lukas 8:52

Eris imyitaig yin ara asega, um taig tas: is ika aien, Akumu atinau aijaua; et eti mas aien, et umjeg aien.

Joanes 11:19

eris apan ehele Marda im Mere a nupu Jutaia is ahinag, par ataraces rau vai natamaig ira rau.

Niji auritai o ilpu Apostolo 9:39

Is um atidai a Pitrus, um ahced rau. Is wat yetpan aien, eris imyiapan yin ara an nuarin-neom ijinies: eris aiji a ilpu takata asega eris emesmas a ilpu atamnyura, um imyitaig yin, eris ehvaig ehelen ara inlepei iji eig im lep napelumai is ago a Torkas an namen o un ehele ra.

Niji auritai o ilpu Apostolo 9:41

Is arapse va nikman aien, um imyiatidai yin; is ahlaig aien vai ilpu atimi upene im ilpu takata eris emesmas a ilpu atamnyura, um ati yin ehele ra, is ma umoh aien.

Jakobus 1:27

Nalaigaheni inivaijec um upene an nuhup u Atua Etmaija neigki, nikavaig, nateghe ilpu umnyij im ilpu takata eris emesmas a ilpu atamnyura an nohocred ura, m naminjinai yin vai yi jim has aien an nobohtan.