Lukas 6:8 - Intas Etipup

⁸ Is ato naktaktai ura aien, um ika ehele natimi ineig is urauo nikman, Atidai aiek, um aiji an nibla ra. Is atidai aien, um aiji.

Lukas 6:8 Iomraidhean Croise

1 Iji Tas Eled 28:9

Ak Solomon inhal unyak, namu ato Atua u etmam aiek, um aheca o un an liinmopom asega, im inliinmopom imiacitak: et idim ahilek inliinmopja asega a Ihova, um ato naktaktai asega u inliinmopja: el et ahilek yin aiek, napu ecet yin aiek; ja el et udei yin aiek, etpu atcijaig euc aien irai iji mesese.

1 Iji Tas Eled 29:17

Ek lep ato ainyak, ak Atua unyak, mika na ahilek inliinmopoi atimi aiek, um imiacitak nedo atoh. Ek idim tup ahtai ainyak itai iji igki asega an liinmopok inveijec im inliinmopok upene: ek mun lep imiacitak ainyak, par almoi ilpu atimi an pece unyum iji igki igcaki nahtai vaig itai vai euc irai liimopora upene.

Nitaasviitai u Job 42:2

Ek ato ainyak mika, et tup upene vai euc par ago niji itai asega, et lep ehka vaig tah natapnes vaig tah intas anacanac unyum.

Saam 44:21

etpu idim ahilek nedo inigki a Atua; et idim ato aien niji itai adenaig an liinmopoi atimi.

Aiseya 42:4

Etpu eti cas oposopos aien, uhpu eti asvagrei yin, um imihum pam an nopan iyehki yi ato nedo upene an nobohtan aien: erupu lep aitgaig intas alep o un a nup urai iji hakli pece an jap.

Madius 9:4

Is ato naktaktai ura a Iesu, um ika, Eka auri aijaua par aktaktai has anliinmopomia?

Markus 3:3

Is ika aien ehele natimi urauo nikman, Aihio aiek igcaki.

Lukas 13:12

Is wat ecet yin a Iesu, is ahlaig vai yin aien, um ika ehelen, Ak intakata ineigki, eh mun atipagki nareci iram.

Lukas 5:22

Is wat ato naktaktai ura a Iesu, is tas aien, um ika ehele ra, Inhe ineigki eka aktaktai anliinmopomia aijaua?

Lukas 6:9

Is ika ehele ra a Iesu, Ekpu ahodaig caua ainyak va nitai inyi ethi: Et upene nagovaig nedo upene an nadiat atumop, ka nagovaig nedo has? nimyiatamaig atimi vaig, ka nauahas ra vaig?

Joanes 2:25

is eti ika aien yi pu asuptecna atimi tah ehelen; is tup ispun ato inliimopoi atimi aien.

Joanes 21:17

Is ehceseij ika ehelen aien, Ak Saimona, inhal o Jonas, et aiyu inliinmopom aiek vai nyak, ka oʼo? Is ohocred a Pitrus vai intas o un, nikavaig, is ehceseij ahodai yin aien, um ika, Et aiyu inliinmopom aiek vai nyak, ka oʼo? Is um ika ehelen aien, Ak Natimarid, na ato niji itai asega aiek; na ato aiek, nikavaig, et aiyu inliinmopok ainyak vai euc. Is um ika ehelen a Iesu, Alayi siip unyak aiek:

Joanes 9:4

eris idim ika ki ago niji auritai O un ainyak an nadiat is abrai nyak aien: et wit yetpam nepeig, inyi ehka va atimi nagovaig nauritai iran:

Niji auritai o ilpu Apostolo 20:24

Ja ek eti imtitaig tah nitai iji eigki ainyak, um eti lep aktaktai alupas numoh unyak, vai ekpu ahni nathut unyak ainyak, um imyiacitak, um atiid nauritai ineig, kis leh ehele Iesu Natimarid ainyak, par asuptecnaig intas-upene va naiheuc o Atua.

Niji auritai o ilpu Apostolo 26:26

et ato nitai iji eigki a natimarid ineig, ek tas emda ainyak an nuhup o un: ek idim ato ainyak, nikavaig, er eti adenaig tah nitai iji eigki vai yin; eris eti ago nitai ineigki an nuarin adenaig:

Nupu Filipai 1:28

um jim imtitai ilpu atimi tak atimi iramia: et itai asjaaicnaig imi ra neigki nauahas ra vaig, ja et itai asjaaicnaig imi caua neigki nimyiatamaig caua vaig, nitai ineigki et idim ahes ehele Atua.

Ilpu Hibru 4:13

et lep eti eteuc tah nitai ineig er adenaig vai yin: ja er elgelgei niji itai asega um ehvaig an nuhup o un, etpu ahilek nedo uja aien.

1 Pitrus 4:1

IS ohocred, a Kristo an nohun vai caija, va nitai ineigki etmu emda inliinmopomia aijaua um idivai yin: aien et leucse nohocred an nohun aien, et mun ude nedo has aien;

Nitai ehvaig 2:23

Ekpu auahas ilpu hal o un ainyak an mas; erupu ato a nup urai ekalasia asega mika, ainyak aigki ek ahilek naktaktai u atimi ainyak im inliinmopura: ekpu lep aru iramia asega ainyak yi idivai edo unyimia.