Lukas 6:41 - Intas Etipup

⁴¹ Na auri aiek par almoi nahrincai an nesganimtai etoam, jam eti aktaktai inmasincai an nesganimtam?

Lukas 6:41 Iomraidhean Croise

1 Ilpu Atimarid 2:32

Etpu aru an nidjinin a Ihova inja ira atimi, is auud natimi is ero aien erus upene um esjilid iran arau, um atgei rau an nauitoga, ja is eti ato a Tevit etmak, nan, Abner inhal u Ner, natimi alupas irai ilpu eucsupo u nup Isreel, um Amasa inhal u Jider, natimi alupas irai ilpu eucsupo u nup u Juta.

1 Iji Tas Eled 21:6

Ja is eti esvi ilpu mapoi Livai im ilpu mapoi Benjamin ehele ra aien: is amcel vai intas o natimarid a Joab.

Saam 36:2

Et mun idim ago nedo efaifa vai yin aien, um ika, inyi eti ecetai nedo has o un a Atua, um amcelvaig.

Jeremaia 17:9

Et esjilid nefaifa u inliinmopoi atimi irai iji itai asega, et idim has alupas: et ehka vaig tah par ato.

Esikiel 18:28

Vaig inig nikavaig, el et aktaktai aieu, um adumoij au nedo imipalea asega o un et mun ago aien, etpu idim umoh aieu, inyi eti mas aien.

Madius 7:1

Akumu jim aktaktai has vaig tah aijaua, va uhpu eti aktaktai has vai caua.

Markus 8:7

Is lep amen ehele ra inhakli numu jam eti elpat: is naaurineig aien, um ika, eri lep alaa ra.

Lukas 6:40

Et eti esjilid a natimi atahaijeg irai natimi esege imi yin; ja erupu idivaig natimi esege ura ara asega, era ato upene itai ara.

Lukas 6:42

Et elika vai euc intasvaig ehele etoam, um ika, Ak etoak, ekmu atipagki nahrincai an nesganimtam ainyak, jam eti aktaktai inmasincai an nesganimtam: ak natimi efaifa, namu uhup aiek um atipagki inmasincai an nesganimtam, va apu almoi upene aiek par atipagki nahrincai an nesganimtai etoam.

Joanes 8:7

Eris wat imyiisjis ara um ahodai yin, is atidaijai aien, um ika ehele ra, Aien et ti ago nedo has aien iramia, etmu upyi hup aien um asji yin an hat.

Nupu Roma 2:1

VA nitai ineigki et ehka vai euc intasvaig, ak natimi ira ra asega, na ated intak atimi aiek: na wit ated intak atimi aiek va nedo o un, na ated euc aiek; na ated intak atimi aiek, jam idim ago nedo o un.

Jakobus 1:24

et idim almoi yin aien, um atga o un, um auroauro um eti imyiehva nalum yin vaig o un.