Et mun eduaraprap irai itai o un aien, et alupai ilpu ihki atimi itai aien; et amen nedo atoh o un irai iji mesese; uhpu ago nedo ecen esjilid vai yin.
Is idim emda inliinmopok ainyak par ato narapakau, um almoi nauritai inig er ago an nobohtan: (era idim alum itai hal atimi an nesgauimtara, ja era eti umjeg ara an nadiat im lep au nepig:)
ja ek asaig ehelemia ainyak mika, Uhu wit ago nedo has vai caua, akumu jim aru aijaua: et wit ahpoi nahpam inmatam tah, anum ahidaig pan nahaijin nahpam aiek ehelen.
Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.
Is wat atahaijeg nitai iji eigki a Iesu, is ika ehelen aien. Nai eti ago nitai et ethi aiek: namu ahtai niji itai asega unyum aiek, um alupai ilpu ihki atimi, napu idim leh niji itai upene an nohatag aiek: um lep apam aiek, um apitac nyak.
akumu alupai atimi itai aijaua, va uhpu alupai caua itai; erupu atohwaig itai an cat unyimia natimi; inyi ohua nitai asjaaicnaig iran, um avise, um eucjeucjaigse, yi ohua, um elel. Erupu ago nedo ineigki vai caua natimi, aki ago vai ra aijaua.
kis asuptecnaig ehelemia ainyak niji itai asega, mika aki idim auritai aijaua um idivai nyak, um aiheuc vai ilpu atimi auatialidi, um imyiehva intas o Iesu Natimarid, is ika aien, Et esjilid nimyiacitak ura era tup ahtai itai ara, irai imyiacitak ura era leh itai ara.
Eka idim ato naiheuc o Iesu Kristo Natimarid uja aijaua, nikavaig, is ikni itai aien, ja is ihki natimi aien vai caua, mika aki ikni itai aijaua va nihki natimi o un.
Aien et acaig aien, etmu jim lep acaig aien: etmu emda an nikman aien, um ago nauritai ineig et upene, va etpu ohuun itar aien pah lep aiheuc vai ilpu ihki atimi.