Lukas 6:25 - Intas Etipup

²⁵ Aʼa, auwe vai caua, ak ilpu atimi gaije! etpu ehtele caua aijaua. Aʼa, auwe vai caua, ak ilpu atimi imyiacitak an naopan ineig! akupu aunyauwaig aijaua, um ehteigtaig.

Lukas 6:25 Iomraidhean Croise

Saam 49:19

Etpu yetpan aien ehele ilpu retpon asega; eri eti lep ecetai inlah ara irai iji mesese.

Niji tas Arapakau 14:13

Era laav natimi, ja et eteuc nohocred an liinmopora: et lep ehni u incediaig iyehki intaigtaig.

Niji tas Arapakau 30:9

vai ki jim geije ainyak, um ateri euc, um ika, Ihova nigki a di? ka vai ki jim ihkin natimi ainyak, um ehnegitai, um tup auahas nidai Atua unyak.

Natimi Efehtas 2:2

Kis ika ainyak vai inlaav, Nedo ahnag nigki: im lep vai nimiacitak, Et ago inhe nitai inig?

Natimi Efehtas 7:3

Et esjilid nehtigtaig irai inlaav: vaig inig nikavaig, et ago upene inliinmopon tah vai nimtimlai u nesganimtan.

Natimi Efehtas 7:6

Et takitai inlaav u natimi ahnag, um idivaig inmotjan cap irai itai upunupun ithan nipjiuru: et lep takitai nitai inigki.

Aiseya 28:7

Im lep inig, era mun ago nedo acalacal ara sji igki vai waina, era mun ahnag ara vai kava itoga; era mun ago nedo acalacal a ilpu atimi ahlap im ilpu profeta vai kava itoga, eris auahas ra vai waina, eris imiahnag ra vai kava itoga; eris wat asuptecnaig intas o Atua ara eris tas maumau ara, eris wat tas alep ara eris ago nedo acalacal ara.

Aiseya 65:13

Va nitai inigki et ika a Ihova Natimarid, Akumu ato aijaua mika, erupu hag a ilpu aheca unyak, ja etpu ehtele caua aijaua: erupu lep umwig a ilpu aheca unyak, ja akupu ahvig nitai umnyi aijaua: erupu lep imiacitak a ilpu aheca unyak, ja akupu ehcamai aijaua:

Aiseya 8:21

Erupu ahced inpece ara, erupu ohocred ara, etpu ehtele ra ara: uhu wit ehtele ra ara, erupu edemda ara, um asan tas edemda vai natimarid ura im Atua ura, um easjai.

Aiseya 9:20

Et ces yi oplecoplec itai an matan aien, ja et ehtele yin aien; et lep hegai itai au mauun aien, jam eti geije: era caig nemihtai ikmara ara athi um athi ehni,

Emos 8:10

ekpu ika ainyak aki ehtigtaig ache aijaua irai asjapicnaig unyimia, etpu isjeupigmoig niji ohraiitai asega unyimia naunyauwaig unyimia; ekpu ika ainyak eri ahid apelumai uucai natimi asega, yi lep igpit nidjini atimi asega; ekpu ika ainyak yi idivaig nehtigtaig vai inhalav atamaig et ethi ache aien nehtigtaig iyehki, etpu has nadiat iyehki eri ago ehni itai iran.

Nehum 1:10

El era apol jipe ara et idivaig nadeni, um ahnag alupas va numnyi waina ura, ja uhpu auahas ra et idivaig inceen hwiit et mese upene.

Lukas 12:20

Ja is ika ehelen a Atua, Ak natimi ahnag, uhpu atipagki nesgam iram an nepeig ineigki; etpu ohuun nitai iji eigki a di as asjapicnaig aiek?

Lukas 13:28

Aku wit almoi Ebraham aijaua, im Aisak, im Jekob, im ilpu profeta asega, an nelcau o Atua, ja uhpu ahlo pan itac caua, akupu aunyauwaig aijaua um ataktit eijimia.

Lukas 6:24

Aʼa, auwe vai caua, ak ilpu atimi ikni itai! akis mun leucse niji itai upene unyimia aijaua.

Lukas 6:26

Aʼa, auwe vai caua, eru wit asan tas upene vai caua atimi asega! is um ucce nedo o ilpu retpora vai ilpu profeta efaifa.

Lukas 8:53

Eris imyilav yin ara, eris ato ara, nikavaig, is mas aien.

Nupu Efesus 5:4

um jim asan tas has esjilid, im intas aupat, im intas auyat; et eti upene nitai iji eigki: jam naaurineig.

1 Nupu Desalonaika 5:3

Eru wit ika ara, Et eigpa um upene; etpu auroauro um yetpam ira ra nitai auahas ra, et idiva, nohocred u intakata opouc; eri eti aha vaig ara.

Jakobus 4:9

Akumu ohocred aijaua, um taigtaig, um ehteigtaig: etmu isjipigmoig inlaav unyimia intaigtaig, etmu lep isjipigmoig nimyiacitak unyimia nohocred.

Nitai ehvaig 3:17

Na ika aiek, Ek idim ikni itai ainyak, um ahinag inpadiaig unyak, um eti ihki natimi ainyak; jam eti ato, nikavaig, na ohocred aiek, um eti esga natimi, um ihki natimi, um aupat nesganimtam, um tup atga.

1 Samuel 2:5

Era ika a ilpu atimi geije, eri auaraheca vai nitai caig ara; era lep ti a ilpu atimi ehtele ra: et mun apos ilpu halav et seven a intakata is eti asvalav; ja et auatialidi aien et ahinag ilpu hal o un.