Lukas 6:22 - Intas Etipup

²² Eka mun ahesmoij aijaua eru wit edemda vai caua atimi, um ahlo caua, um atuh caua, um ethaig pan nidamia et idivaig nitai has, vai Inhal o natimi.

Lukas 6:22 Iomraidhean Croise

Aiseya 65:5

Era ika ara, Namu jim aiji pam ehelek aiek, jim apam ubutpotet ehelek aiek; ek idim itap ainyak, um esjilid iram. Era idivaig nadran cap an gidjik ara sji igki, um idivaig incap et ere an nadiat asega.

Aiseya 66:5

Akumu atahaijeg intas o Ihova aijaua eka eucjeucjeucaij van tas o un aijaua; Era ika a ilpu etwamia iji ig era edemda vai caua ara, um ahlo pan itac caua va nidak, Uhpu imiahpas Ihova, ecrupu lep almoi nimiacitak unyimia aijama; ja erupu lep ehcamai ara.

Madius 10:18

uhpu imyiapan caua an nuhup o ilpu atimi alupas im ilpu atimarid vai nyak, nitai asuptecnaig imi ra im lep imi nup urai iji pece.

Madius 10:22

erupu amcel vai caua natimi asega vai nyak: aien inyi eti adumoij aien uhpu imyiatamaig yin.

Madius 10:39

Aien et imyicoho yin aien, inyi mas aien: aien inyi mas aien vai nyak, etpu leh nitai umoh iran aien.

Lukas 20:15

Eris ethaig pan itac yin ara an nekaro vaine, um atgei yin. Etpu ago inhe ira ra a natimi alupas ohuun nekaro vaine?

Lukas 21:17

Erupu amcel vai caua atimi asega va nidak.

Lukas 6:21

Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.

Joanes 12:42

Ja eris imyiisjis ninivaijec vai yin a ilpu atimi alupas an pece is ahinag; ja eris eti asuptecnai yin ara vai ilpu Farisi, va eri jim ahlo ra ara irai eom alaigaheni ura:

Joanes 16:2

Erupu ahlo caua ara irai eom alaigaheni ura: etpu lep yetpam naopan iyehki eru wit atgei caua atimi, um aktaktai mika er ago nauritai o Atua.

Joanes 17:14

Kis alupai ra intas unyum ainyak: era amcel vai ra natimi an nobohtan, va nitai ineig, nikavaig, era eti atimi an nobohtan ara, et idivai nyak, ek eti atimi an nobohtan ainyak.

Joanes 7:7

et ehka va atimi namcel vai caua vaig; ja era amcel vai nyak ara, va nedo unyak, nikavaig, ek acaiji nedo has ura ainyak:

Joanes 9:34

Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara.

Niji auritai o ilpu Apostolo 22:22

¶ Eris atahaijeg yin ara um yetpan u intas ineigki, ja eris par ahlaig ijinies ara, um ika, Eri atgei nat naico an nobohtan: et eti upene vai yin numohvaig.

Niji auritai o ilpu Apostolo 24:5

Ecra ato aijama, nikavaig, et atimi auatatimi a nat eigki, um auahas inliinmopoi nupu Jutaia asega irai iji pece asega, et lep atimi esjilid aien ira ra era apol ira alaigaheni u nup an Nasared ara:

Niji auritai o ilpu Apostolo 9:16

ekpu asuptecnaig ehelen ainyak nohocred esjilid iji eig eris idim ika etpu leucse aien va nidak.

Jakobus 1:12

Et mun ahesmoij natimi ineig et leucse nohocred aien: et wat esjilid aien irai ohocred vaig o un, etpu leh korona aien va nitai umoh iran, is upyi asaig a Natimarid imi ra et aiyu inliinmopura ara vai yin.

1 Pitrus 3:14

Ja el eka ohocred aijaua va nedo atoh, eka mun ahesmoij aijaua: “um jim imtitaig nitai ineig era imtitaig ara, um jim eucjucjucaij;