Lukas 6:21 - Intas Etipup

²¹ Eka mun ahesmoij aijaua et ehtele caua aijaua an naopan ineig: akupu gaije aijaua. Eka mun ahesmoij aijaua eka ehteigtaig aijaua an naopan ineig: akupu imyiacitak aijaua.

Lukas 6:21 Iomraidhean Croise

Jenesis 17:17

Is atpuse a Abraham um laav, um ika inliinmopon, Uhpu apos inhalav imi nyak um uauo, et mun eteuc inmesese et wun huntret irak? etpu asvalav a Sera um uauo, et mun eteuc inmesese et nainte iran?

Jenesis 21:6

Is ika a Sera, Et mun ika a Atua ki imiacitak ainyak, erupu lep imiacitak ehelek ara asega era atahaijeg nyak ara.

Saam 107:9

Et mun ika aien eri ehginwai a ilpu atimi ahvig wai, um lep eri geije irai iji itai upene a ilpu atimi ehtele ra.

Saam 119:136

Et yah nidiimtak et idivaig nofowai, va nedo ura, nikavaig, era eti imiaiji intas alep unyum ara.

Saam 143:6

Ek atgeig yi apidi nikmak ehelum ainyak; et idivaig inpece et ti inwai iran inliinmopok ainyak, um merit alupas vai euc. Sila.

Saam 17:15

Ja ekpu almoi nesganimtam ainyak pan au nedo atoh unyak: eku wit nusjai ainyak, ekpu imiacitak ainyak va nehcohos pam unyum.

Saam 28:7

Et atimi emda unyak a Ihova, um itai atapin nyak; is asgeig iran inliinmopok ainyak, is lep atau imi nyak aien: etpu idim imiacitak alupas inliinmopok ainyak; ekpu lep imiahpas yin ainyak an nohranitai unyak.

Saam 65:4

Et mun ahesmoij a natimi inig na ati yin aiek, um ika yi apam ubutpotet ehelum, um amen anliin nokora unyum: ecrupu geije aijama irai iji itai upene an neom unyum, neom ahlap unyum marom.

Aiseya 25:6

Etpu auanetha alupas a Ihova esjilid acen an nedoon inigki vai nup urai iji pece asega irai itai hegaig esjilid, im nide vaine esjilid; maiya, niji itai hegaig esjilid, um ahinag nidipiaig, im nide vaine esjilid eris ahrei upene,

Aiseya 30:19

Erupu amen Jerusalem a nup u Saion: akupu eti lep ehtigtaig aijaua: aku wit ahlaig ijinies aijaua, etpu aiheuc alupas vai caua aien; etu wit ahgei aien, etpu adai intas unyimia aien.

Aiseya 66:10

Akumu imiacitak Jerusalem um cediaig vai yin aijaua asega iji ig, et aiyu inliinmopomia aijaua vai yin: akumu imiacitak alupas yin aijaua asega iji ig, eka taigtaig vai yin aijaua:

Jeremaia 13:17

Ja el eka eti atahaijeg aijaua, etpu taigtaig inliinmopok ainyak irai uarin adenaig vai nijinies u inliinmopomia; ekpu taig alupas ainyak, etpu yah nidinimtak, vaig inig nikavaig, eh mun imiapan an taka pece ilpu atimi u Ihova.

Jeremaia 31:25

Ek mun alumai ilpu atimi ahvig wai ainyak, ek mun ika ainyak eri geije a ilpu atimi ehtele ra asega.

Jeremaia 31:9

Eru wit apani ara, erupu ehtigtaig ara, eku wit imiapam ra ainyak, erupu alaigaheni ara: ekpu atau ira ra ainyak ui ofowai an nefalaig atoh, erupu eti epihtau iran ara: ek idim etmai Isreel ainyak, et hal unyak inmeto a Ifreem.

Jeremaia 9:1

EK merit alupas ainyak mika yi idivaig inwai yah nidjinik, um idivaig nimtanwai nidiimtak, mika ki taig ainyak irai iji adiat im niji epig, vai ilpu atimi eris atgei u inhalav atahig u nup urau pece unyak!

Esikiel 7:16

Erumu idim aha ara sji igki era aha ara, ja erupu amen irai lola au ara, um idivaig niji alaupa irai iskanse, erupu ehtigtaig ara asega va nedo has ura, athi um athi ehni.

Esikiel 9:4

is ika ehelen aien, Namu apan aiek um ahced efalaig an maliyum, Jerusalem marom, um ati nitai asjaaicnaig an nipjinimtai ilpu atimi iji ig era adijai ra ara um taigtaig va niji itai asega er amcel vaig er ago iran.

Madius 5:4

Era mun ahesmoij ara era ohocred ara: erupu cediaig ara.

Madius 5:6

Era mun ahesmoij ara et ehtele ra ara um ahvig emda nedo upene: erupu gaije ara.

Lukas 1:53

Is alayi ilpu atimi ehtele ra niji itai upene aien; jam abraig pan ra eris ikni itai ara, um eti alupai ra itai.

Lukas 6:20

¶ Is aijidjid ilpu atimi atahaijeg yin aien, um ika, Eka mun ahesmoij aijaua et ipjidipjid inliinmopomia: et unyimia nelcau o Atua.

Lukas 6:22

Eka mun ahesmoij aijaua eru wit edemda vai caua atimi, um ahlo caua, um atuh caua, um ethaig pan nidamia et idivaig nitai has, vai Inhal o natimi.

Lukas 6:25

Aʼa, auwe vai caua, ak ilpu atimi gaije! etpu ehtele caua aijaua. Aʼa, auwe vai caua, ak ilpu atimi imyiacitak an naopan ineig! akupu aunyauwaig aijaua, um ehteigtaig.

Joanes 11:35

Is taig a Iesu.

Joanes 4:10

Is tas a Iesu, um ika ehelen, El et ato nitai tup ahtai o Atua aiek, im lep yin et ika ehelum aien, Alumak tah inwai aiek; el et ugni yin aiek, el et par alumam inwai umoh aien.

Joanes 6:35

Is um ika ehele ra a Iesu, Ek itai caig umoh ainyak: aien et ham ehelek aien, inyi ti lep ehtele yin aien; aien et asgeig irak aien, inyi ti lep ahvig tah nitai aien:

1 Nupu Korindus 4:11

Is ehtele cama aijama, um ahvig wai, um aso cama an napelumai has, um imyihum pam an naopan ineig; er lep ahpoi cama, ecra idim amen ehcid aijama;

2 Nupu Korindus 11:27

kis ehcahinag auatialidi ainyak, um ohocred, um eti umjegse an tah nepeig, um ehtele nyak, um ahvig wai, um ehcahinag isji nyak numlaig, um eyueyu, um ti nitai aso nyak.

2 Nupu Korindus 12:10

Ek idim imyiacitak ainyak vai iji auatialidi unyak, im niji tas has vai nyak, im niji ihki atimi unyak, im niji edemda vai nyak, im niji ohocred unyak, vai Kristo: ek wat auatialidi ainyak, jam emda.

2 Nupu Korindus 6:10

um idivaig natimi ohocred, ja ek cediaig ainyak irai iji adiat; um idivaig nihki natimi, ja era ikni itai atimi et ahinag vai nyak; um idivaig natimi eti ohuun itai, ja ek ohuun niji itai asega ainyak.

Jakobus 1:12

Et mun ahesmoij natimi ineig et leucse nohocred aien: et wat esjilid aien irai ohocred vaig o un, etpu leh korona aien va nitai umoh iran, is upyi asaig a Natimarid imi ra et aiyu inliinmopura ara vai yin.

Nitai ehvaig 21:3

Kis lep atahaijeg nohran ijinies ainyak, is ahes an nohatag, um ika, Et idim amen neom u Atua ehele atimi, etpu lep amen ehele ra aien, erupu ilpu atimi o un ara, etpu amen ehele ra a Atua, etpu Atua ura aien:

Nitai ehvaig 7:16

inyi ti lep ehtele ra ara, um eti lep ahvig wai; inyi ti lep ces ra nagesega, um eti auahas ra nihlup: