Lukas 6:2 - Intas Etipup

² Eris um ika ehele ra nahaiji ilpu Farisi, Eka auri aijaua par ago nedo ineig et itaup nagovaig ira adiat atumop?

Lukas 6:2 Iomraidhean Croise

Eksotus 22:10

El et ati ehele etwan togke o un tah natimi, ka kurimatau, ka siip, ka tah nitai eklim edo irai pece, mika yi aminjinaig aien; el et mas aien, ka el eh auahas, ka el eh ahlo, jam eti ecetai tah natimi:

Eksotus 31:15

Uhmu ago nauritai ira adiat inyi siks; ja et adiat atumop iran nadiat sevend, um itap vai Ihova: aien et ago tah nauritai aien an nadiat atumop, uhmu idim atgei yin.

Eksotus 35:2

Akumu ago nauritai aijaua ira adiat et siks, ja etpu itap nadiat sevend vai caua, nadiat atumop u Ihova nigki: aien et ago nauritai iran aien, uhmu atgei yin.

Aiseya 58:13

El et eti atga jipe neduom aiek an nadiat atumop, um eti ago nitai merit unyum an nadiat itap unyak; um anvi nidan nadiat atumop par ika, Nadiat imiacitak, im nadiat itap u Ihova, nadiat esjilid; um ecen va nadiat inig, an eti ago nedo unyum aiek, um eti ahilek nitai merit unyum, um eti asaig tup intas;

Madius 12:2

Eris wat ecetai a ilpu Farisi, eris um ika ehelen ara, Alum ilpu atimi atahaijeg euc aiek, era ago nedo ineig ara et itaup nagovaig an nadiat atumop.

Madius 15:2

Era auri a ilpu atimi atahaijeg euc par imyipalea intas alep o ilpu atimi tas alep? era eti upyi ahisjim ara, ja par hag.

Markus 2:24

Eris um ika ehelen a ilpu Farisi, Era auri ara par ago nedo ineigki an nadiat atumop et itaup?

Lukas 5:33

Eris ika ehelen ara, Era auri a ilpu atimi atahaijeg Joanes im lep o ilpu Farisi par ehcahinag atwakam, um alaigaheni; ja era hag a ilpu atimi atahaijeg euc, um umwig?

Joanes 5:16

Eris atmas vai Iesu a nupu Jutaia, um tas jipe mika eri atgei yin, va nedo o un, nikavaig, is ago nitai iji eigki aien an nadiat atumop.