Lukas 5:5 - Intas Etipup

⁵ Is tas a Saimona, um ika ehelen, Ak natimi alupas, ecra mun asjeuc an jop aijama an nepeig asega, jam eti leh tah nitai; jai ekpu lep ana an nopoig ainyak vai intas unyum.

Lukas 5:5 Iomraidhean Croise

Esikiel 47:10

Erupu aiji o un a ilpu atimi ahilek mu ahes En-citai um yetpan En-ecleem; etpu uarin elgelgei niji opoig ura iran eahki; etpu eteuc niji mu iran et idivaig niji obotpot mu asega, um ahinag acen, et idivaig niji mu an Jap Alupas.

Lukas 17:13

um ahlaig ijinies, um ika, Ak Iesu, Natimarid, aiheuc vai cama aiek.

Lukas 8:24

Eris apan ehelen ara, um ahugni yin, um ika, Ak Natimi alupas, ak Natimi alupas, intumu emesmas akaija. Is atidai aien, um acaiji nimtinjop im nalupas u injop: is um esjaig, um eigpa.

Lukas 8:45

Is ika a Iesu, Et atcei pam nyak a di? Eris ateri ara asega, ja is ika a Pitrus im lep ra ehelen, Ak Natimi alupas, era atamerit ehelum atimi asega, um euchaijehgaig, na auri aiek par ika, Et atcei pam nyak a di?

Lukas 9:33

Erus wat ude yin arau, is ika ehele Iesu a Pitrus, Ak Natimarid, et upene vai caija namenvaig igcaki: ektijmu ago neom inyi eseij aijumtaij; yi ethi imi euc, um ethi imi Moses, um ethi imi Elaija: is eti ato intas ineig aien is asaig.

Lukas 9:49

¶ Is tas a Joanes, um ika, Ak Natimarid, ecris ecet tah aijama, is ahlo ilpu agelo has aien an nidam; ecris acaiji yin aijama va nedo o un, nikavaig, is eti ahced caija aien.

Joanes 15:14

Eka ilpu etoak aijaua, el eka ago nitai iji eigki aijaua ek asaig ehelemia ainyak.

Joanes 2:5

Is um ika a risin ehele ilpu aheca, Akumu ago nitai ineigki aijaua etpu asaig ehelemia aien.

Joanes 21:3

Is um ika ehele ra a Saimona Pitrus, Ekpu apok ainyak, um ahilek mu. Eris um ika ehelen ara, Ecri ahced euc aijama. Eris apok ara, um auroauro um aridjai an nelcau; ja eris eti leh tah nitai ara an nepeig iyehki.