Lukas 5:32 - Intas Etipup

³² kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Lukas 5:32 Iomraidhean Croise

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nobatag a ilpu agelo ura irai iji adiat an nohatag.

Madius 9:13

Akumu apan aijaua, um ato nesgan tas ineigki, nikavaig, “Ek merit ainyak va nedo aiheuc va atimi, jam eti merit va niji itai ahlap:” kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Markus 15:10

Is ato aien, nikavaig, eris ati yin an nuhup o un a ilpu atimi ahlap esjilid va nauatitai ura rai yin.

Markus 15:7

Is eteuc natimi is ethi, nidan Barabas, eris arore yin, im lep atimi eris ahced yin ara an nehtauo, eris atgei natmas ara an nehtauo iyehki.

Markus 2:17

Is wat atahaijeg intas ura a Iesu, is ika ehele ra aien, Er eti ika ehele natimi atipagki nemehe yi aminjinai ra era cehcehe ara, ja ara ache era emehe ara: kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Lukas 15:10

Et idim ucco, ek asaig ehelemia ainyak mika, Et eteuc nimyiacitak an nuhup o ilpu agelo o Atua vaig tah natimi auatatimi et adumoij anliinmopon aien.

Lukas 15:7

Ek asaig ehelemia ainyak mika, Et idim ucco, etpu alupas nimyiacitak an nohatag vaig tah natimi auatatimi et adumoij anliinmopon aien, jam tintin nimyiacitak va natimi upene et nainte nain, eris eti ika vai ra eri adumoij anliinmopura ara.

Lukas 19:10

et ham a Inhal o natimi mika yi ahilek ilpu atimi ahnag, um imyiatamaig ra.

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 5:31

Is tas a Iesu, um ika ehele ra, Er eti ika ehele natimi atipagki nemehe yi aminjinai ra era cehcehe ara; ja ara ache era emehe ara:

Lukas 5:33

Eris ika ehelen ara, Era auri a ilpu atimi atahaijeg Joanes im lep o ilpu Farisi par ehcahinag atwakam, um alaigaheni; ja era hag a ilpu atimi atahaijeg euc, um umwig?

Niji auritai o ilpu Apostolo 17:30

Is pam eti aktaktai a Atua nedo o atimi an naopan iyehki u naupat u iji pece; ja et tas alep aien ehele atimi asega an naopan ineig irai iji pece asega, mika eri adumoij anliinmopura ara:

Niji auritai o ilpu Apostolo 2:38

Is um ika ehele ra a Pitrus, Akumu adumoij anliinmopomia aijaua, um leh nabaptiso iramia asega an nidai Iesu Kristo, va uhpu eti aru nedo has unyimia; akupu leh nitai tup ahtai ineig aijaua, Nesgan Upene:

Niji auritai o ilpu Apostolo 20:21

um asuptecnaig ehele nupu Jutaia, im nupu Crisi, mika eri adumoij anliinmopura ara vai Atua, um imyiisjis ninivaijec vai Iesu Kristo Natimarid uja.

Niji auritai o ilpu Apostolo 3:19

Akumu adumoij anliinmopomia aijaua, um ahidai caua, va uhpu ohpodohpod nedo has unyimia, va inyetpam naopan upene iyehki etpu ahes ehele Natimarid;

Niji auritai o ilpu Apostolo 3:26

Is wat imyinusjai Iesu Naheca o un a Atua, is upyi hup aien um abraig pan yin ehelemia, mika yi: aiheuc vai caua aien, um imyiadumoij caua asega an nedo has unyimia.

Niji auritai o ilpu Apostolo 5:31

ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;

2 Pitrus 3:9

Et eti esjaigse intas upyi asaig o un a Natimarid, et idivaig nika u nahaiji atimi et mun esjaigse aien; ja et eropse inliinmopon aien vai caija, et eti merit aien mika eri emesmas tah, ja et merit aien mika yi adumoij pam inliinmopoi atimi asega.