Lukas 5:30 - Intas Etipup

³⁰ Eris tas upoupo a ilpu atimi esege im ilpu Farisi vai ilpu atimi atahaijeg yin, um ika, Eka auri aijaua par ehrihag um umwig aijaua im ilpu atimi akwanaham im ilpu atimi auatatimi?

Lukas 5:30 Iomraidhean Croise

Aiseya 65:5

Era ika ara, Namu jim aiji pam ehelek aiek, jim apam ubutpotet ehelek aiek; ek idim itap ainyak, um esjilid iram. Era idivaig nadran cap an gidjik ara sji igki, um idivaig incap et ere an nadiat asega.

Madius 5:46

El eka aiheuc vai ra ache aijaua, era aiheuc vai caua ara, akupu leh inhe aijaua? era ago nedo ineigki a ilpu atimi akwanaham.

Madius 9:11

¶ Eris wat almoi a ilpu Farisi, eris ika ara ehele ilpu atimi atahaijeg yin, Et auri a Natimi esege unyimia par ehrihag aien im ilpu atimi akwanaham im ilpu atimi auatatimi?

Markus 2:16

Eris wat alum yin a ilpu atimi esege im ilpu Farisi nehrihagvaig im ilpu atimi akwanaham im ilpu atimi auatatimi, eris ika ara ehele ilpu atimi atahaijeg yin, Et auri aien par ehrihag um umwig aien im ilpu atimi akwanaham im ilpu atimi auatatimi?

Markus 7:3

Era imyiaiji intas alep o ilpu atimi tas alep a ilpu Farisi, im nupu Jutaia asega, um upyi hup um ehcahinag ahisjim, ja par hag.

Markus 9:16

Is ahodai ilpu atimi esege aien, um ika, Inhe ineigki eka imyiisjis ira ra aijaua?

Lukas 18:11

Is aiji a Farisi, um echim alaigaheni, um ika, Ak Atua, ek naaurineig vai euc ainyak, ek eti idivaig tak atimi ainyak, ilpu atimi atoraliak itai, im ilpu atimi auatatimi, im ilpu atimi ago ingaijid, im lep natimi akwanaham ineigki:

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 5:17

IS wat esege aien an nadiat is ethi, eris ateuc eahki a ilpu Farisi im ilpu atimi esege intas alep, eris ahes irai iji uari-pece asega Calili, im Jutaia, im Jerusalem: is ago cehcehe atimi emehe a Natimarid an nemda o un.

Lukas 5:21

Eris aktaktai a ilpu atimi esege, im ilpu Farisi, um ika, Di neigki et asan tas has esjilid aien? et emda ache a Atua par iknipagki nedo has.

Lukas 7:34

Et mun ham a Inhal o natimi, um hag um umwig; ja eka ika aijaua, Almoi natimi ineigki, et hag alupas aien, um umnyi waina, et etoai ilpu atimi akwanaham aien, im ilpu atimi auatatimi!

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Niji auritai o ilpu Apostolo 23:9

Is atupun nimyiisjis itai esjilid: eris atidai a ilpu atimi esege irai ilpu Farisi, um imyiisjis itai, um ika, Ecra eti ecetai tah nedo has ehele natimi ineigki aijama: ja el is, tas ehelen tah nesga atimi, ka tah nagelo, ti jim ati nedoa vai Atua akaija.