Lukas 5:24 - Intas Etipup

²⁴ im lep ineig, mika aki ato aijaua, nikavaig, et emda a Inhal o natimi an nobohtan par iknipagki nedo has, (is ika aien ehele natimi emehe va napalse,) Ek ika ehelum ainyak, Atidai aiek, um leh nitai ahled unyum, um apan an neom unyum.

Lukas 5:24 Iomraidhean Croise

Aiseya 53:11

Etu wit ago nauritai o un aien etpu ecetai aien, etpu upene inliinmopon aien vaig: etpu ika a naheca upene unyak et atoh nedo o atimi inyi ahinag va nato yin ura; etpu lep lucsei nimtan nedo has ura aien.

Taniel 7:13

Kis ecetai ainyak irai itai eris ehvaig ehelek an nepig, mika is yetpam irai apat an nohatag tah is idivaig Inhal u natimi, is yetpam aien ehelen is eteuc Aien itu acen, eris um imiapan yin ara an nuhup o un.

Madius 16:13

11 Is wat yetpan a Iesu an pece Sisaria Filipai, is ahodaig ilpu atimi atahaijeg yin aien, um ika, Era ika natimi, ainyak di aigki, Inhal o natimi?

Madius 25:31

¶ Et wit yetpam a Inhal o natimi an natimi alupas o un, im lep ilpu agelo upene asega ehelen, etpu ateuc aien a dorona esjilid o un an naopan iyehki:

Madius 26:64

Is um ika ehelen a Iesu, Na mun asaig aiek: ja ek asaig ehelemia ainyak mika, Akupu ecet Inhal o natimi aijaua an tak aopan nateucvaig an matan Et emda aien, im lep napam o un an nepeig an nohatag.

Madius 28:18

¶ Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Madius 4:24

Is apaahni intas vai yin an pece Sirya asega: eris imyiapan ehelen ilpu atimi emehe asega ara is acheiachei nemehe ira ra im nohocred, im ra eris amen ira ra a ilpu agelo has, im ra is ti lelra ara, im ra eris apalse ara; is ago cehcehe ra aien.

Madius 9:6

ja, mika aki ato aijaua, nikavaig, et emda a Inhal o natimi an nobohtan par iknipagki nedo has, (is ika aien ehele natimi emehe va napalse,) Atidai aiek, um leh nitai ahled unyum, um atga unyum, um apan an neom unyum.

Lukas 5:13

Is adan nikman aien, um atcei pan yin, um ika, Ek merit ainyak: namu adicinadicin aiek. Is auroauro um edoaijaig iran naleprose.

Lukas 5:18

Eris imyiapan ehelen natimi is ethi atimi an nitai ahled, is emehe aien va napalse: eris merit ara nimyiapan yin vaig anliin neom, par ati yin an nuhup o un.

Lukas 5:23

et tup upene nikavaig, Eh mun iknipagki nedo has unyum; ka nikavaig, Atidai aiek, um atga?

Lukas 7:14

Is apan aien um atcei pan nahat; eris aiji a ilpu atimi ahlisahlis yin. Is ika aien, Ak intakuras ineigki, ek ika ehelum ainyak, Namu atidai aiek.

Lukas 8:54

Is abraig pok ijo ra asega aien, um arapse va nikman, um ahlaig, um ika, Ak natahaig ineigki, namu atidai aiek.

Joanes 11:43

Is wat ucce intas o un, is ahlaig ijinies aien, um ika, Ak Lasarus, alau ijo aiek.

Joanes 17:2

as ati yin aiek mika yi esjilid aien ira atimi asega, mika yi alupai ra sji eigki asega as alupai yin ra aiek nitai umoh iran ineig inyi ti lep ti.

Joanes 3:13

Is eti aridjai an nohatag tah natimi, aien ache is ahes an nohatag aien um asuol, Inhal o natimi, et amen aien an nohatag.

Joanes 5:27

is lep ati yin aien mika yi asuptecnaig nimtan imi atimi aien, va nitai ineigki, nikavaig, et Hal o natimi aien.

Niji auritai o ilpu Apostolo 14:10

is efehtas aien, um ika, Atidai aiek um aiji. Is efarectidai aien, um atga.

Niji auritai o ilpu Apostolo 5:31

ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;

Niji auritai o ilpu Apostolo 9:34

Is um ika ehelen a Pitrus, Ak Inyas, et ago cehcehe euc a Iesu Kristo; atidai aiek, um ati nitai ahled unyum. Is auroauro aien um atidai.

Niji auritai o ilpu Apostolo 9:40

Is abraig pok ijo ra asega a Pitrus, um atpuse, um alaigaheni; is ahidaig pan yin u nohun aien, um ika, Ak Tabida, atidai aiek. Is asalgei nesganimtan aien: is wat ecet Pitrus aien, um atidai.

Nitai ehvaig 1:13

im lep tah is ethi juju an niblai lamp is seven, et idivaig Inhal o natimi, is amen iran napelumai um ahlause u neduon, im lep nitai ahid colt an nijihgan.