Lukas 5:22 - Intas Etipup

²² Is wat ato naktaktai ura a Iesu, is tas aien, um ika ehele ra, Inhe ineigki eka aktaktai anliinmopomia aijaua?

Lukas 5:22 Iomraidhean Croise

1 Iji Tas Eled 28:9

Ak Solomon inhal unyak, namu ato Atua u etmam aiek, um aheca o un an liinmopom asega, im inliinmopom imiacitak: et idim ahilek inliinmopja asega a Ihova, um ato naktaktai asega u inliinmopja: el et ahilek yin aiek, napu ecet yin aiek; ja el et udei yin aiek, etpu atcijaig euc aien irai iji mesese.

Saam 139:2

Na ato nateucse vaig unyak aiek, im natidai vaig unvak, na ato naktaktai unyak aiek itac acen.

Niji tas Arapakau 15:26

Et amcel a Ihova vai naktaktai u ilpu atimi auatatimi: ja et upene iran intas aiheuc.

Aiseya 66:18

Im lep inig, ek ato nedo ura im naktaktai ura ainyak: et mun yetpam nopan inig par asjapicnaig nup urai iji pece asega, im lep ilpu atimi iji ig et acheiachei jipe intas ura; erupu ham ara, um almoi natimi alupas unyak.

Esikiel 38:10

Et lep ika a Natimarid Ihova; An nadiat iyehki etpu yetpam an liinmopom niji itai has, napu aktaktai has aiek:

Madius 12:15

Is wat ato a Iesu, is ahes eahki aien um atga o un: eris apitac yin natimi is ahinag, is ago cehcehe ra asega aien;

Madius 12:25

Is ato naktaktai ura a Iesu, um ika ehele ra, El et ika nero inliinmopoi nup uran tah nelcau, inyi ti amen; ka nero inliinmopoi atimi an tah anuarin-pece, ka an tah nimnim, erupu atih ara:

Madius 9:4

Is ato naktaktai ura a Iesu, um ika, Eka auri aijaua par aktaktai has anliinmopomia?

Markus 8:17

Is wat ato a Iesu, is ika ehele ra aien, Eka auri aijaua par tas jipe ehelemia, um ika, Inta mun eti apos nareto akaija? eka ato itai aijaua, um aktaktai, ka oʼo? et echamecha inliinmopomia aijaua um uhum pam?

Lukas 24:38

Is ika ehele ra aien, Eka auri aijaua par imtitaig? eka auri aijaua et par ehioehio inliinmopomia?

Lukas 5:21

Eris aktaktai a ilpu atimi esege, im ilpu Farisi, um ika, Di neigki et asan tas has esjilid aien? et emda ache a Atua par iknipagki nedo has.

Lukas 5:23

et tup upene nikavaig, Eh mun iknipagki nedo has unyum; ka nikavaig, Atidai aiek, um atga?

Niji auritai o ilpu Apostolo 5:3

Ja is ika a Pitrus, Ak Ananaias, et amen alupas inliinmopom a Satana vanhe, mika an ahcil aiek ehele Nesgan Upene, um imyiaaij nahaijin nimtan umam?

Ilpu Hibru 4:12

Et idim umoh intas o Atua, um emda, um esjilid an nauitoga ineig et arig nahaijin im nahaijin, et ahcai caija, um ahoai nohuja im nesgaija, im lep nidiyelcei vai caija im nucni edueija, et lep ehvaig naktaktai u inliinmopja im inmerit uja:

Nitai ehvaig 2:23

Ekpu auahas ilpu hal o un ainyak an mas; erupu ato a nup urai ekalasia asega mika, ainyak aigki ek ahilek naktaktai u atimi ainyak im inliinmopura: ekpu lep aru iramia asega ainyak yi idivai edo unyimia.