Lukas 5:21 - Intas Etipup

²¹ Eris aktaktai a ilpu atimi esege, im ilpu Farisi, um ika, Di neigki et asan tas has esjilid aien? et emda ache a Atua par iknipagki nedo has.

Lukas 5:21 Iomraidhean Croise

Saam 103:3

et iknipagki nedo has asega unyum aien, um ago cehcehe euc va nemehe asega unyum;

Saam 130:4

Jai nai idim iknipagki nedo kis ura aiek, va uhpu imtitaig euc.

Saam 32:5

Kis ika ainyak, Ekpu asuptecnaig nedo has unyak ainyak ehelum, kis lep eti ateri nedo acalacal unyak ainyak. Kis ika ainyak, Ekpu asuptecnaig nedo imipalea unyak ehele Ihova ainyak; as eti lep imiehva neruvaig nauatatimi unyak aiek. Sila.

Saam 35:5

Erumu idivaig narasi korn ara et ahlaadig nimtinjap: etmu lep auud ra a nagelo o Ihova.

Aiseya 1:18

Et ika a Ihova, Akumu apam aijaua, mika ti tas jipe akaija: el etidivaig napelumai cap nedo has unyimia, etpu ahi um idivaig sno; el et idivaig napelumai cap eijilid, etpu ahi um idivaig numri siip.

Aiseya 43:25

Ainyak aigki, ek ohpodohpod nedo has unyimia ainyak vai nyak; ekpu eti imiehva niji auatatimi unyimia ainyak.

Aiseya 44:22

Ek mun ohpodohpod nedo has unyimia ainyak, et idivaig napat, im lep niji auatatimi unyimia, et idivaig inmoso: akumu adumoij pam ehelek aijaua; ek mun idim imiatamaig caua ainyak.

Taniel 9:19

Ak Natimarid, namu atahaijeg cama aiek; ak Natimarid, namu jim aru irama aiek; ak Natimarid, namu atahaijeg cama aiek, um ago nedo atoh vai cama; namu auroauro aiek, ak Atua unyak, va nidam: er idim anvi nidam an maliyum unyum im lep ira atimi unyum.

Taniel 9:9

Et aiheuc vai cama a Natimarid Atua unyima, et lep ohpodohpod nedo has unyima aien, ja ecra mun imipalea intas o un aijama;

Levitikus 24:16

Ja el et auahas nidai Ihova tah natimi, uhmu idim atgei yiu, erumu idim asji yin irai hat a ilpu atimi asega era asjapicnaig ara: el et up urai taka pece, ka nup uran pece unyimia, a natimi inig et auahas nidai Ihova aien, uhmu atgei yin.

Maika 7:19

Napu aketo aiek, um lep aiheuc vai cama; napu esjilid aiek an nedo acalacal unyima; napu lep erekhaigse nedo has asega unyima nai uarin ubo an jap.

Madius 26:65

Is ahpati napelumai iran a natimi esjilid an nahlap, um ika, Et mun asan tas has esjilid aien; inta auri akaija par lep ahilek atimi par asuptecnaig vai yin? eka mun atahaijeg intas has esjilid o un aijaua:

Madius 9:3

Jais ika inliinmopoi ilpu ahaiji atimi esege, Et asan tas has esjilid a nat eigki.

Lukas 3:8

akumu ohoai itai aijaua yi idivaig nadumoij u inliinmopomia: akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Lukas 5:17

IS wat esege aien an nadiat is ethi, eris ateuc eahki a ilpu Farisi im ilpu atimi esege intas alep, eris ahes irai iji uari-pece asega Calili, im Jutaia, im Jerusalem: is ago cehcehe atimi emehe a Natimarid an nemda o un.

Lukas 5:22

Is wat ato naktaktai ura a Iesu, is tas aien, um ika ehele ra, Inhe ineigki eka aktaktai anliinmopomia aijaua?

Lukas 7:49

Ara eris ateuc um hag ehelen ara, is ika inliinmopura ara, Di neigki, et lep iknipagki nedo has aien?

Joanes 10:33

Eris tas ehelen a nupu Jutaia, um ika, Ecra eti asji euc aijama vaig tah nauritai upene; ja vai intas has esjilid; na atimi aiek, jai na ika aiek, na idim Atua.

Nupu Roma 8:33

Di neigki etpu atijai tah nitai irai ilpu atimi iji eigki is ehtai ra a Atua? Atua neigki et ika aien et atoh nedo uja.