Lukas 5:13 - Intas Etipup

¹³ Is adan nikman aien, um atcei pan yin, um ika, Ek merit ainyak: namu adicinadicin aiek. Is auroauro um edoaijaig iran naleprose.

Lukas 5:13 Iomraidhean Croise

Jenesis 1:3

Is ika a Atua, Etmu eteuc inlah: is um lah.

Jenesis 1:9

Is ika a Atua, Uhmu asjapnaig niji wai ithan nohatag an nuarin yi ethi ache, etmu lep ateucrad nobohtan: is um uce.

2 Ilpu Atimarid 5:10

Is abraig pan naheca is ethi ehelen a Elaisa, um ika, Apan aiek um eceseven ereuc an nofowai Jortan, etpu lep upene nohum, napu cehcehe aiek.

2 Ilpu Atimarid 5:14

Is par asuol aien, um eceseven atjim an nofowai Jortan, is idivaig intas o natimi u Atua: is lep upene nohun et idivai nohui inhalav, um lep cehcehe.

Saam 33:9

Aien aigki is tas aien, ja is par eteuc niji itai; aien aigki is asaig aien, ja is par amen aktit niji itai.

Esikiel 36:29

Ekpu lep imiatamaig caua ainyak va nemig asega unyimia: ekpu asaig intas va nitai caig incamia ainyak, mika yi alupas, ekpu eti ati numlaig has ehelemia ainyak.

Hosia 14:4

Ekpu atipagki ehele ra nedo imipalea ura ainyak, ekpu tup ispuk aiheuc vai ra ainyak: ek mun atcijaig nedemda unyak vai ra ainyak.

Madius 8:3

Is adan nikman a Iesu, um atcei pan yin, um ika, Ek idim merit ainyak; namu adicinadicin aiek. Is um auroauro aien um adicinadicin va naleprose iran.

Lukas 4:39

Is han aiji aien ithan, um acaiji nemehe ihlup; is um edoaijaig iran: is um auroauro aien um atidai, um aheca ura.

Lukas 5:12

IS amen a Iesu an nuarin-pece is ethi: is wat ecet yin natimi lepros is ethi, is atpuse an nesganimtan aien, um ugni yin, um ika, Ak Natimarid, el et merit aiek, na emda aiek par ago adicinadicin nyak.

Lukas 5:14

Is acaiji yin aien, mika yi jim asuptecnaig ehelen tah: um ika, Namu apan aiek, um ehvai euc ehele natimi ahlap, um ahlap va nadicinadicin iram, an nitai ineig is asaig a Moses, nitai asuptecnaig imi ra.