Lukas 4:8 - Intas Etipup

⁸ Is tas a Iesu, um ika ehelen, Apan aiek an nidjik, ak Satana: eris aged, um ika, “Namu alaigaheni vai Ihova Atua unyum aiek, um aheca o un” ache.

Lukas 4:8 Iomraidhean Croise

2 Ilpu Atimarid 19:15

Is ago nalaigaheni an nuhup u Ihova a Hesekaia, um ika, Ak Ihova Atua u nup Isreel, na amen aiek an niblai ohwat jerub, na Atua aiek, aiek ache irai iji pece an nobohtan; as ago nohatag aiek im nobohtan.

Saam 83:18

va erupu ato natimi, mika nai esjilid acen aiek ache an nobohtan asega: nidam nigki Ihova.

Aiseya 2:11

Eh mun imiasuol ilpu atimi; iji ig et acen nesganimtara, era; mun apakapak a ilpu atimi iji ig eti ijinies inliinmopora, eh mun; imiaridjai Ihova ache an nadiat; iyehki.

Madius 16:23

Ja is ahidai yin aien, um ika ehele Pitrus, Apan aiek an nidjik, ak Satana: nai itai epihtau imi nyak aiek: na eti aktaktai aiek niji itai o Atua, jam aktaktai ache niji itai o atimi.

Madius 4:10

Is ika ehelen a Iesu, Atga unyum aiek, ak Satana, eris aged, um ika, “Namu alaigaheni vai Ihova Atua unyum aiek, um aheca o un” ache.

Lukas 4:4

Is tas ehelen a Iesu, um ika, Eris aged, um ika, “Eri eti umumoh natimi vai areto ache, ja vai intas asega o Atua.”

Lukas 4:7

el et alaigaheni vai nyak aiek, el et par imi euc nitai iji eigki asega.

Tyuteronome 10:20

Akumu imtitai Ihova Atua unyimia aijaua; um aheca o un, um apol iran, um asan tas aktit an nidan.

Tyuteronome 6:13

Akumu imtitai Ihova Atua unyimia aijaua, um aheca o un, um asan tas ipjin unyimia an nidan.

Jakobus 4:7

Va nitai ineigki akumu upoupo irai Atua aijaua. Ahcadai Tiapolo aijaua, etpu lep aha vai caua aien.

1 Pitrus 5:9

akumu ahcadai yin aijaua, um aiji aktit an nimyiisjis ninivaijec, eka ato aijaua, nikavaig, era lep leucse niji ohocred iji eigki a ilpu etoamia an namen ura an nobohtan.

Nitai ehvaig 19:10

Kis eropse ainyak u neduon, mika ki alaigaheni vai yin. Ja is ika ehelek aien, Jim ago nedo ineigki aiek: intau ehraheca u Atua akaijau, ek tah irai ilpu etoam ainyak, et amen ehele ra intas asuptecnai Iesu: alaigaheni vai Atua aiek: nesgan tas ahidan tas neigki, nasuptecnaigvaig Iesu.

Nitai ehvaig 22:9

Is um ika ehelek aien, Jim ago nedo ineigki aiek, intau ehraheca u Atua akaijau, ek tah ainyak irai ilpu etoam ilpu profeta, im lep ra era aminjinaig tas iji eigki an nitasvitai ineigki: alaigaheni vai Atua aiek.

1 Samuel 7:3

Is tas a Samuel ehele nup Isreel asega, um ika, El eka adumoij pan ehele Ihova aijaua an liinmopomia asega, akumu iknipagki ilpu atmas irai taka pece ehelemia aijaua, im lep niji atmasimai, um ago upene inliinmopomia vai Ihova, um aheca o un ache: etpu imiatamaig caua aien vai nikmai nup u Filistia.