Lukas 4:7 - Intas Etipup

⁷ el et alaigaheni vai nyak aiek, el et par imi euc nitai iji eigki asega.

Lukas 4:7 Iomraidhean Croise

Saam 72:11

Erupu idim atpuse an nuhup o un a ilpu atimarid asega: erupu lep aheca o un a nup urai iji pece asega.

Aiseya 45:14

Et ika a Ihova, Etpu yetpam ehelemia nauritai u nup Ijipt, im naga u nup Idiopia, im inpadiaig u nup u Siba, ilpu atimi emda, akupu ohuun ra aijaua: erupu apitac caua ara; erupu atga ira atau hat ara, erupu atpuse ara an nuhup unyimia, erupu ugyi caua ara, um ika, Et idim eteuc ehelemia ache a Atua; et eti eteuc tah, aien ache, et eti lep eteuc tah Atua et eche.

Aiseya 46:6

Era ahiyause colt an cat ura a ilpu atimi ikni itai, um asjaaicnaig silver an nitai asjaaicnaig, era alupai natimi ago itai irai colt nimtan ara; et ago atua iran aien: era atpuse an nuhup o un ara, maiya, era alaigaheni vai yin ara.

Madius 2:11

¶ Eris apan ara anliin neom, um ecet inhalav ehele Mere risin, um atpuse an nuhup o un, um alaigaheni vai yin: eris ahiacse padiaig ura ara, um alupai yin niji itai tup ahtai; colt, im nidi libano, im nidi mura.

Lukas 17:16

is atpuse aien u neduon, um naaurineig vai yin: is upu Samerya aien.

Lukas 4:6

is um ika ehelen a Tiapolo, Ekpu alupai euc nemda asega ineigki ainyak, im niji itai upene iran: eris idim atceijaig imi nyak; ekpu atceijaig ainyak imi natimi ineig ek merit ainyak nalupai yin vaig;

Lukas 4:8

Is tas a Iesu, um ika ehelen, Apan aiek an nidjik, ak Satana: eris aged, um ika, “Namu alaigaheni vai Ihova Atua unyum aiek, um aheca o un” ache.

Lukas 8:28

Is wat ecet Iesu aien, is aunyauwaig aien, um atpuse an nuhup o un, um ahlaig ijinies, um ika, Nai merit aiek vanhe ehelek, ak Iesu, Inhal o Atua esjilid? Ek ugni euc ainyak, mika an jim abli nyak aiek.

Nitai ehvaig 22:8

Kis ecetai nitai iji eigki ainyak Joanes, um atahaijeg. Kis wat atahaijeg ainyak um ecetai, kis eropse ainyak, mika ki alaigaheni an nuhup u neduei nagelo iyehki is ehvaig nitai iji eigki ehelek aien.

Nitai ehvaig 4:10

erupu eropse an nuhup o un et eteuc aien a dorona a ilpu atimi tas alep twente for, um alaigaheni vai yin et umoh aien irai iji mesese, um erekhaigse korona ura an nuhup u dorona, um ika,

Nitai ehvaig 5:8

Is wat leh nitasvitai iyehki aien, eris eropropse an nuhup u Lam niji itai umumoh is for iji ehki, im ilpu atimi tas alep is twente for, eris apos niji harp ara asega, im niji ipjicolt is ohua nitai auanipin upene iran; niji ataigaheni u ilpu atimi upene ji eigki.