Lukas 4:39 - Intas Etipup

³⁹ Is han aiji aien ithan, um acaiji nemehe ihlup; is um edoaijaig iran: is um auroauro aien um atidai, um aheca ura.

Lukas 4:39 Iomraidhean Croise

Saam 116:12

Ekpu alupai Ihova inhe ainyak va nedo upene asega o un vai nyak?

Markus 1:29

Eris auroauro ara, um ahes anliin neom alaigaheni, um alau ijo, um ahced Jakobus im Joanes, um apan anliin neom o Saimona im Antrius.

Lukas 4:35

Is um acaiji yin a Iesu, um ika, Jim tas aiek, um atceijai yin. Is wat ethaigse yin an nibla ra a nagelo has, is atceijai yin aien, um eti auahas yin.

Lukas 4:41

Eris atceijai atimi is ahinag a ilpu agelo has, um ahlaig ijinies, um ika, Nai Kristo aiek Inhal o Atua. Is acaiji ra aien, mika eri jim tas ara: eris ato ara, nikavaig, is Kristo aien.

Lukas 8:24

Eris apan ehelen ara, um ahugni yin, um ika, Ak Natimi alupas, ak Natimi alupas, intumu emesmas akaija. Is atidai aien, um acaiji nimtinjop im nalupas u injop: is um esjaig, um eigpa.