Lukas 4:35 - Intas Etipup

³⁵ Is um acaiji yin a Iesu, um ika, Jim tas aiek, um atceijai yin. Is wat ethaigse yin an nibla ra a nagelo has, is atceijai yin aien, um eti auahas yin.

Lukas 4:35 Iomraidhean Croise

Saam 50:16

Ja et ika a Atua ehele ilpu atimi auatatimi, Eka a uri aijaua par asuptecnaig intas alep unvak, um lep tas vai intas etipup unyak?

Sekaraia 3:2

Is ika a nagelo o Ihova ehele Satana, Ak Satana, etmu acaiji euc a Ihova; maiya, etmu acaiji euc a Ihova inig et imiacitak nup u Jerusalem aien: et idivaig nisincai a natimi inigki eris leh an cap um ati ubos.

Madius 17:18

Is acaiji nagelo has a Iesu, is um atceijai yin aien: is um cehcehe inhalav an nuarin-nadiat iyehki.

Madius 8:26

Is ika ehele ra aien, Ak ilpu atimi auatialidi inliinmopomia, eka imtitaig aijaua vanhe? Is atidai aien, um acaiji nimtinjop im injop; is um esjilid neigpa.

Markus 1:26

Is auohuoh yin a nagelo has, um ahlaig ijinies, um atceijai yin.

Markus 4:39

Is um atidai aien, um acaiji nimtinjop, um ika ehele injop, Eigpa aiek, um esjaig. Is um esjaig nimtinjop, um esjilid neigpa.

Markus 9:26

Is um ahlaig a nagelo has, um auohuoh emda yin, um atceijai yin, um atga o un: is idivaig natimi mas aien; eris ika atimi is ahinag, Et mun mas aien.

Lukas 11:22

ja et wat apan ehelen natimi ineig et esjilid nemda o un iran, etpu leucse naga asega o un aien, is asgeig iran aien, um ahaig jipe niji itai o un.

Lukas 4:23

Is um ika ehele ra aien, Akupu idim ika ehelek aijaua an tas ecsipece ineigki, Ak natimi atipagki nemehe, namu ago cehcehe euc aiek: namu ago nedo iyehki aiek igcaki an pece unyum ecris atahaijeg aijama, nikavaig, as ago Kaperneum aiek.

Lukas 4:39

Is han aiji aien ithan, um acaiji nemehe ihlup; is um edoaijaig iran: is um auroauro aien um atidai, um aheca ura.

Lukas 4:41

Eris atceijai atimi is ahinag a ilpu agelo has, um ahlaig ijinies, um ika, Nai Kristo aiek Inhal o Atua. Is acaiji ra aien, mika eri jim tas ara: eris ato ara, nikavaig, is Kristo aien.

Lukas 8:24

Eris apan ehelen ara, um ahugni yin, um ika, Ak Natimi alupas, ak Natimi alupas, intumu emesmas akaija. Is atidai aien, um acaiji nimtinjop im nalupas u injop: is um esjaig, um eigpa.

Lukas 9:39

et idim ahei yin a nagelo has, et um auroauro aien um aunyauwaig; et lep auhainse yin aien, et um ahuya nipjineucsen aien, um avise yin, um esjum nude yin vaig:

Lukas 9:42

Is wat apan aien, is auohuoh yin a nagelo has, um auhainse yin. Is acaiji nagelo has a Iesu, um ago cehcehe inhalav iyehki, um lep alupai etman yin.

Nitai ehvaig 12:12

va nitai ineigki namu cediaig aiek, ak nohatag, im lep aijaua eka amen iran aijaua: kaiheuc vai caua eka amen an nobohtan aijaua im lep an jop! et mun asuol sepam ehelemia a Tiapolo, et alupas intavaitap o un, va nitai ineig, nikavaig, et ato aien mika et ipjidipjid naopan o un.