Lukas 4:34 - Intas Etipup

³⁴ um ika, Ude cama; nai merit aiek vanhe ehelema, ak Iesu nup an Nasared? na mun ham aiek mika an auahas cama, ka oʼo? ek ato euc ainyak; na Atimi Itaup o Atua aiek.

Lukas 4:34 Iomraidhean Croise

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

1 Ilpu Atimarid 17:18

Is ika ehele Elaija aien, Na a uri aiek, ak natimi u Atua, as ham aiek par ahugni lelek va nedo has unyak, um atgei inhal unyak, ka oʼo?

Saam 16:10

Napu idim eti udei nyak aiek uma atmas; napu eti atcijaig Natimi Upene unyum aiek mika yi mutit.

Taniel 9:24

Er asaig inwiik et sevente (70) vai nup uran pece unyum im lep van maliyum itap unyum, par lucsei nimtan nedo has, um atipagki nedo imipalea, um asan nigpa va nedo acalacal, um lep imiapam nedo atoh inig etpu amen irai iji mesese, um atapnes an nitai asjaaicuaig nitai ehvaig im intas asuptecnaig, um ati natimi inig et itap esjilid Aien mika yi Atimarid.

Madius 8:29

Erus ahlaig arau, um ika, Nai merit aiek vanhe ehelumrau, ak Iesu, Inhal o Atua? na mun ham aiek mika ecri fi ohocred aijama an naopan ineig, ka oʼo?

Markus 1:24

um ika, Ude cama; nai merit aiek vanhe ehelema, ak Iesu nup an Nasared? na mun ham aiek mika an auahas cama, ka oʼo? ek ato euc ainyak, na Atimi Upene o Atua aiek.

Markus 1:34

Is ago cehcehe atimi is ahinag aien, is acheiachei jipe nemehe ira ra, um ahlo ilpu agelo has is ahinag; um acaiji ilpu agelo has mika eri jim aniv yin.

Markus 5:7

um ahlaig ijinies, um ika, Nai merit aiek vanhe ehelek, ak Iesu, Inhal o Atua esjilid? ek ugni euc ainyak vai Atua, mika an jim abli nyak aiek.

Lukas 1:35

Is tas a nagelo, um ika ehelen, Etpu vetpan iram a Nesgan Upene, etpu ahelmon euc nemda o un Et esjiiid aien: uhpu anvi nidan nitai upene iyehki napu apos aiek, par ika Inhal o Atua;

Lukas 4:33

¶ Is amen anliin neom alaigaheni natimi is ethi, is amen iran nagelo has, is ahlaig ijinies aien,

Lukas 4:41

Eris atceijai atimi is ahinag a ilpu agelo has, um ahlaig ijinies, um ika, Nai Kristo aiek Inhal o Atua. Is acaiji ra aien, mika eri jim tas ara: eris ato ara, nikavaig, is Kristo aien.

Lukas 8:28

Is wat ecet Iesu aien, is aunyauwaig aien, um atpuse an nuhup o un, um ahlaig ijinies, um ika, Nai merit aiek vanhe ehelek, ak Iesu, Inhal o Atua esjilid? Ek ugni euc ainyak, mika an jim abli nyak aiek.

Lukas 8:37

Eris ugni yin a nupu Catara asega mika yi arga o un aien, um i ude ra; eris imtitaig alupas ara: is aridjai an nelcau aien, um adumoij pan.

Niji auritai o ilpu Apostolo 16:39

eris apan ara, um tas updak ehele rau, um leh pok ijo rau, um ugni rau, mika eru atga urau arau, um ude nuarin-pece ura.

Niji auritai o ilpu Apostolo 2:27

napu eti ude nesgak aiek an naupat, um eti atceijaig Natimi Upene unyum mika yi muttit:

Niji auritai o ilpu Apostolo 3:14

Akis idim esjum aijaua vai natimi ineig et upene aien um atoh nedo o un, jam ika yi atceijaig imi caua natimi atgei atmas;

Niji auritai o ilpu Apostolo 4:27

Et inivaijec ineig, nikavaig, eris ehras asjapicnaig a Herot, im Ponjus Pailet, im ilpu atimi aupat, im nupu Isreel, vai Naheca upene unyum, Iesu, as ati yin aiek,

Ilpu Hibru 2:14

Va nitai ineig, et idim eteuc nohui ilpu hal o un, im lep inja ira ra, et idim ucco, is lep leh nohun aien; mika yi auahas natimarid an mas, Tiapolo marom, vai inmas o un;

Jakobus 2:19

Na imyiisjis ninivaijec aiek mika, et eteuc Atua et ethi ache; et upene nedo unyum: era lep imyiisjis ninivaijec a ilpu agelo has, um eucjucjucaij.

1 Joanes 3:8

Aien et ago nedo has aien, is ahes ehele Tiapolo aien; is ago nedo has a Tiapolo itu acen um uhum pam. Va nitai ineigki, is idim ehcohos a Inhal o Atua, mika yi auahas nauritai u Tiapolo.

Nitai ehvaig 20:2

Is arop irai nimyiv aien, nimyiv itu iyehki, et Tiapolo aien, im Satana, um arore yin irai mesese is wun dausant,

Nitai ehvaig 3:7

NAMU aged intas aiek imi nagelo an nakalasia Filatelfea, um ika, Et asan tas iji eigki aien et upene aien, aien et inivaijec aien, aien et amen ehelen “kii u Tevit, aien et asalgei intapanes aien, ja et eti atapanes tah natimi; um lep atapanes, ja et eti asalgei tah natimi,” um ika,