Lukas 4:2 - Intas Etipup

² is ago nedo oop vai yin a Tiapolo ira adiat is forte. Is eti caig tah nitai aien ira adiat iji ehki: is wat ti pan itac nadiat iji ehki, is ehtele yin aien.

Lukas 4:2 Iomraidhean Croise

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

1 Ilpu Atimarid 19:8

Is atidai aien, um hag um umwig, um atga va nemda an nitai caig iyehki ira adiat is forte im nepig is forte, um yetpan Horeb nedoon u Atua.

Ester 4:16

Namu apan aiek um ehras asjapicnaig nup u Juta asega era amen Susan ara, um atwakam vai nyak, um jim hag um jim umwig ira adiat inyi eseij, an nadiat im lep an nepig: ekpu lep atwakam ainyak im ilpu atahig unyak; ja ekpu apan ainyak anliin neom ehele natimarid, et idim itap: el ek mas ainyak, ekpu mas ainyak.

Eksotus 24:18

Is apan an napat a Moses, um aridjai an lolan nedoon: is amen an lolan nedoon a Moses ira adiat is forte im nepig is forte.

Eksotus 34:28

Is amen aien eahki ehele Ihova ira adiat is forte im nepig is forte; is eti caig nareto aien, um eti umnyi inwai. Is lep aged intas etipup a Ihova an hat iraigki, nikavaig, intas alep is ten.

Jona 3:7

Is ika aien eri asuptecnaig um imiapaahni an maliyum Ninevi intas alep u natimarid im ilpu atimi alupas o un, um ika, Erumu jim caig tah nitai natimi, im niji itai eklim edo irai pece, im kurimatau, im siip; erumu jim caig tah nitai ara, um jim umnyi wai.

Madius 21:18

Is wat lahlah an nuhialeg is lep adumoij pan aien an nuarin-pece itaup, is um ehtele yin.

Madius 4:2

Is eti caig tah nitai aien an nadiat is forte im nepeig is forte, um ehtele yin.

Lukas 4:3

Is um ika ehelen a Tiapolo, El et Hal o Atua aiek, namu ika aiek yi areto inhat ineigki.

Joanes 4:6

Is eteuc eahki nehpan wai u Jekob. Is esvi Iesu natgavaig, is um ateuc aien u inwai iyehki: is adiatadiat.

Tyuteronome 9:18

Kis lep atpuse an nuhup u Ihova ainyak ira adiat is forte im nepig is forte, et idivaig kis upyi ago ainyak: kis eti caig tah nitai caig ainyak um eti umnyi inwai, va nedo has asega unyimia akis ago aijaua, im nauatatimi unyimia an nuhup u Ihova, im nauahas vaig inliinmopon.

Tyuteronome 9:25

Kis idim atpuse an nuhup u Ihova ainyak ira adiat is forte im nepig is forte, is idivaig kis upyi ago ainyak; is idim asaig a Ihova mika etpu auahas caua aien.

Tyuteronome 9:9

Kis wat aridjai ainyak an lolan nedoon par leh inhat apalapal, inhat erahki is amen iran intas etipup u Ihova ehelemia, kis amen ainyak an lolan nedoon ira adiat is forte im nepig is forte; kis eti caig tah nitai caig ainyak um eti umnyi inwai:

Ilpu Hibru 2:18

Is idim ohocred aien an noop yin vaig, va nitai ineigki et lep emda aien par atau irai ra sji eigki er oop ra.

Ilpu Hibru 4:15

Et eti ehka va natimi esjilid an nahlap uja par ato nauatialidi uja; eris oop yin irai iji itai asega um idivai caija, ja is eti eteuc tah nedo has o un.

1 Samuel 17:16

Is apam ubutpotet a nup Filistia iyehki an nuhialeg im lep an jupura, um ehcohos pam ira adiat is forte.