Lukas 4:18 - Intas Etipup

¹⁸ “Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Lukas 4:18 Iomraidhean Croise

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

2 Niji Tas Eled 34:27

Vaig inig nikavaig, et mun updak inliinmopom aiek, na mun lep ago nedo upoupo aiek an nuhup u Atua an natahaijeg intas o un unyum vai nuarin inigki, im lep natimi iran, um ago nedo upoupo an nuhup unyak, um ahpati napelumai iram; um taigtaig an nuhup unyak; ek ika ainyak Ihova, Ek mun idim atahaijeg intas unyum ainyak.

Saam 102:20

par atahaijeg naunyauwaig u ilpu atimi eris arore ra; um ahiyi ra sji igki eris asaig inmas ura;

Saam 147:3

Et ago cehcehe ra sji igki aien et auatialidi inliinmopora ara, um aso inmocop ira ra.

Saam 2:2

Era atidai a ilpu atimarid an nobohtan, era lep tas jipe a ilpu atimi alupas, um aat irai Ihova, im lep vai yin is ati yin aien, um ika,

Saam 2:6

Jai kis ati natimarid unyak ainyak ijinies u Saion, nedoon itap unyak.

Saam 34:18

Et amen ubutpotet ehele ra sji igki a Ihova, et ohocred inliinmopora ara va nedo has ura; etpu lep imiatamaig ra sji igki et upoupu inliinmopora ara.

Saam 45:7

Nai merit va nedo upene aiek, jam amcel va nedo has: va nitai inigki, et mun aspi euc an narakei imiacitak a Atua, Atua unyum marom, mika an esjilid aiek irai ilpu etwam.

Saam 51:17

Niji itai ahlap vai euc, ak Atua, sji igki, inliinmopoma ohocred va nedo has unyima: ak Atua, napu eti amcel aiek vai inliinmopoma ohocred va nedo has unyima im inliinmopoma upoupo.

Aiseya 32:3

Etpu eti aplan nesganimta atimi iji ig era alum itai ara, etpu atahaijeg itai intikga atimi iji ig era ahgei itai ara.

Aiseya 35:5

Ja uhpu asalgei nesganimtai ilpu atimi apat nesganimtara, erupu ahgei itai a ilpu atimi ucjipines intikgara.

Aiseya 42:7

par ika eri alum itai a ilpu atimi apat nesganimtara, um imiahlau ijo ilpu atimi eris arore ra an neom ipjin, um imiaha ilpu atimi amen an napat va neom eris atapnes ra iran.

Aiseya 45:13

Kis imiatidai yin ainyak an nedo atoh, ekpu ika ainyak yi isjeuc asega nefalaig asega vai yin: et ika a Ihova esjilid acen, Etpu uctaig inmaliyum unyak aien, etpu adcijaig ilpu ohna unyak aien, jam eti va neruvaig um eti va nimtan.

Aiseya 49:9

um ika ehele ilpu atimi eris arore ra, Akumu ahlau ijo aijaua; im lep ehele ra era amen an napat ara, Akumu ehcohos pam aijaua. Erupu hag irai efalaig ura ara, erupu leh nitai caig incara ara irai edoon asega.

Aiseya 50:4

Et mun alupai nyak a Ihova Natimarid intas u ilpu atimi arapa-kau, mika ki ato ainyak par atau imi ilpu atimi auatialidi an tas: etpu ahugni nyak aien imi iji uhialeg, etpu asalgei intikgak aien mika ki atahaijeg ainyak et idivaig ilpu atimi er esege imi ra.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Aiseya 59:21

Et ika a Ihova, Ek ika ainyak, Intas etipup unyak ehele ra nigki; Et amen alupas ehelum a Nesgak, ek mun ikni an nipjineucsem niji tas unyak ainyak, etpu lep amen aktit an nipjineucsem im lep an nipjineucse ilpu hal unyum, im lep an nipjineucse ilpu mapom, ahes an nopan inig um yetpan irai iji mesese; et idim uce intas o Ihova.

Aiseya 61:1

ET amen ehelek a Nesgai Ihova Natimarid; vaig inig nikavaig, et mun ati nyak a Ihova mika ki imiapam intas upene ainyak ehele ilpu atimi et upoupo inliinmopora ara; et mun abrai nyak aien mika ki ago eropse ilpu atimi ohocred inliinmopora ainyak, um efehtas ehele ilpu atimi tup lucsei ra, um ika eri atcijai ra, um lep efehtas ehele ilpu atimi eris arore ra, um ika eri ahiyi ra;

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Esikiel 9:4

is ika ehelen aien, Namu apan aiek um ahced efalaig an maliyum, Jerusalem marom, um ati nitai asjaaicnaig an nipjinimtai ilpu atimi iji ig era adijai ra ara um taigtaig va niji itai asega er amcel vaig er ago iran.

Taniel 9:24

Er asaig inwiik et sevente (70) vai nup uran pece unyum im lep van maliyum itap unyum, par lucsei nimtan nedo has, um atipagki nedo imipalea, um asan nigpa va nedo acalacal, um lep imiapam nedo atoh inig etpu amen irai iji mesese, um atapnes an nitai asjaaicuaig nitai ehvaig im intas asuptecnaig, um ati natimi inig et itap esjilid Aien mika yi Atimarid.

Sefanaia 3:12

Ekpu udei ehelemia ilpu atimi upoupo inliinmopora im ilpu ihki atimi ainyak, erupu lep asgeig an nidai Ihova ara.

Sekaraia 11:11

Eris idim asvi niseuc iyehki an nadiat iyehki: eris ato upene ara, inpak irai siip marom eris ohocred ara, jam atahaijeg intas unyak, mika is asan tas iyehki a Ihova.

Malakai 4:2

Ja etpu aridjai Nagesega inig et ahes nedo atoh iran vai caua eka imtitaig nidak aijaua, etpu eteuc nitai cehcehe ithai ehpan; akupu apan itac aijaua, um eliaujai, et idivaig hakli kurimatau er alaa ra upene.

Madius 11:5

Et lah nesganimtai ilpu atimi …pat nesganimtara, um atga a ilpu …timi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 12:18

“Alum naheca unyak aijaua, kis ati yin ainyak; et halav cop unyak aien, et imyiacitak yin inliinmopok ainyak: ekpu ati Nesgak ehelen ainyak, etpu asuptecnaig intas atoh aien ehele nup urai iji pece:

Madius 12:20

inyi ti asvaldeipagki nieg asvagrei aien, um eti ahni incop alahala cas uposupos, um imyihum pan naopan iyehki etpu esjilid intas atoh o un:

Madius 4:16

era mun ecetai inlah alupas ara sji eigki eris amen an naupat ara; et mun aridjai inlah imi ra eris amen an nuarin o naupat ara im inmas.”

Madius 5:3

Era mun ahesmoij ara et ipjidipjid inliinmopura ara: et ura nelcau an nohatag.

Lukas 4:17

Eris alupai yin nitasvitai o Aiseya naprofeta. Is algei nitasvitai aien, um ecetai nuarin ineig eris aged intas ineigki iran, um ika,

Lukas 6:20

¶ Is aijidjid ilpu atimi atahaijeg yin aien, um ika, Eka mun ahesmoij aijaua et ipjidipjid inliinmopomia: et unyimia nelcau o Atua.

Lukas 7:22

Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau mun almoi aijaurau um atahaijeg vaig; nikavaig, et lep lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi lepros, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Joanes 1:41

Is upyi uhup aien um ecet Saimona etoan, um ika ehelen, Ecra mun ecet Mesia aijama, (nesgan tas ineigki, Kristo, Natimi ineig is ati yin a Atua.)

Joanes 12:46

Kis ham ainyak par itai lah an nobohtan, mika eri jim amen an naupat a ilpu atimi asgeig irak asega.

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Niji auritai o ilpu Apostolo 10:38

nikavaig, is ati Iesu nup an Nasared a Atua irai Nesgan Upene im nemda o un: is atga jipe aien um ago nedo upene, um ago cehcehe ra asega eris ohocred ara vai Tiapolo; is amen ehelen a Atua.

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Niji auritai o ilpu Apostolo 4:26

eris atidai a ilpu atimarid an nobohtan, eris lep ehras asjapicnaig a ilpu atimi alupas vai Ihova, im lep vai Kristo o un.”

Niji auritai o ilpu Apostolo 4:27

Et inivaijec ineig, nikavaig, eris ehras asjapicnaig a Herot, im Ponjus Pailet, im ilpu atimi aupat, im nupu Isreel, vai Naheca upene unyum, Iesu, as ati yin aiek,

Nupu Kolose 1:13

is iknipagki caija aien an nelcau aupat, um ikni caija an nelcau u Inhalav cop o un:

Jakobus 2:5

Akumu atahaijeg aijaua, ak ilpu etoak upene, is idim ehtai ilpu ihki atimi iji eigki an nobohtan ineigki a Atua, era esjilid ara an nimyiisjis ninivaijec ura, um lep ohuun nelcau ineig is upyi asaig aien ehele ra et aiyu inliinmopura ara vai yin.

1 Pitrus 2:9

Ja eka “ilpu atimi eris ehtai ra aijaua, um ilpu atimi ahlap atimarid, um ilpu atimi itaup,” um ilpu atimi eris auarimtara; mika aki ehvaig aijaua nupene o un is ahlaig pan vai caua aien an naupat unyimia, um ikni caua an lah o un ineig er imyiali: