Lukas 4:1 - Intas Etipup

¹ IS amen alupas ehele Iesu a Nesgan Upene, is ahes Jortan aien um atga o un, is imyiapan yin a Nesgan Upene an namasacen;

Lukas 4:1 Iomraidhean Croise

1 Ilpu Atimarid 18:12

Eku wit ahes ehelum ainyak um atga unyak, etpu imiapan euc a Nesgai Ihova an tah anuarin ek eti ato ainyak; ja eku wit apan ainyak um asaig ehele Ehab, etu wit eti ecet euc aien, etpu atgei nyak aien: jai kis imtitai Ihova ainyak naheca unyum an haklin unyak um imihum pam an nopan inig.

1 Ilpu Atimarid 19:4

Ja is atga aien an namasacen an nadiat is ethi, um apan, um ateucse itlian cai juniper is ethi: is ugyi Atua aien mika yi mas aien; um ika, Et upene; ak Ihova, namu asaig inmas unyak aiek; ek eti esjilid ainyak irai ilpu retpok.

Aiseya 61:1

ET amen ehelek a Nesgai Ihova Natimarid; vaig inig nikavaig, et mun ati nyak a Ihova mika ki imiapam intas upene ainyak ehele ilpu atimi et upoupo inliinmopora ara; et mun abrai nyak aien mika ki ago eropse ilpu atimi ohocred inliinmopora ainyak, um efehtas ehele ilpu atimi tup lucsei ra, um ika eri atcijai ra, um lep efehtas ehele ilpu atimi eris arore ra, um ika eri ahiyi ra;

Esikiel 3:14

Is um imiaridjai nyak a Nesgan, um imiapan nyak; kis apan ainyak um taigtaig, is lep ohocred inliinmopok; ja is emda nikmai Ihova irak.

Madius 3:16

Is wat leh nabaptiso iran a Iesu, is ahes u inwai aien, um atga o un: is asalgei nohatag vai yin, is ecet Nesgai Atua aien nasuolvaig is idivaig nalaupa, um ateuc iran:

Lukas 2:27

Is apan aien anliin neom ahlap va Nesgan Upene: erus wat imyiapan Iesu inhalav ahwat atmil o un, mika eru ago nedo iyehki vai yin et idivaig intas alep,

Lukas 3:3

Is apan aien irai iji uari pece asega u Jortan, um asuptecnaig nabaptiso mika eri adumoij anliinmopura atimi va uhpu iknipagki nedo has ura;

Lukas 3:38

is hal o Inos a Kenan, is hal o Sed a Inos, is hal o Atam a Sed, is hal o Atua a Atam.

Lukas 4:14

IS lep apan Calili a Iesu va nemda o Nesgan Upene: is apaahni intas vai yin an pece asega marahed mihtag.

Lukas 4:18

“Et amen ehelek a Nesgai Ihova; is ati nyak aien mika ki asuptecnaig intas-upene ainyak ehele ilpu ihki atimi; is abrai nyak aien mika ki ago cehcehe ainyak ilpu atimi emehe inliinmopura, um lep asuptecnaig natceijaivaig ilpu atimi eris tup leucse ra, um ago lah nesganimtai ilpu atimi aupat nesganimtara, um ahiyi ilpu atimi ohocred,

Joanes 1:32

Is asuptecnaig a Joanes, um ika, Kis ecet Nesgan Upene ainyak is ahes an nohatag um asuol is idivaig nalaupa, um amen iran:

Joanes 3:34

Aien is abrai yin a Atua et asuptecnaig intas o Atua aien: et idim alupai yin Nesgan Upene a Atua mika yi amen alupas ehelen.

Niji auritai o ilpu Apostolo 1:2

um yetpan u nadiat iyehki eris imyiaridjai yin, ja is upyi hup aien, um tas alep irai Nesgan Upene ehele ilpu apostolo iji eigki is ehtai ra aien:

Niji auritai o ilpu Apostolo 10:38

nikavaig, is ati Iesu nup an Nasared a Atua irai Nesgan Upene im nemda o un: is atga jipe aien um ago nedo upene, um ago cehcehe ra asega eris ohocred ara vai Tiapolo; is amen ehelen a Atua.

Niji auritai o ilpu Apostolo 8:39

Erus ahes an wai arau, ja is par leh Filipus a Nesgai Natimarid, is um tup eti ecet yin a natimi alupas: ja is atga o un aien an nefalaig, um imyiacitak.