Lukas 3:9 - Intas Etipup

⁹ eh mun ati inpas u nohu auicai an naopan ineig: uhpu acaldei nauicai asega et eti upene nasau iran, um erekhaigjai an cop.

Lukas 3:9 Iomraidhean Croise

Esikiel 31:18

Na mun idivaig di aiek an natimi alupas unyum im nemda unyum irai iji cai Itena? ja erupu imiasuol euc ara ehele niji cai Itena irai uari obohtan sepagko: napu asjeuc aiek ehele ilpu atimi apat ehele ra sji ig eris atgei ra an nedoa. Et ika a Natimarid Ihova: Fero mun igki im ilpu atimi asega o un era ahinag ara.

Taniel 4:14

is efehtas aien, um ika, Uhmu acaldei nauincai inigki, um isjid ran, um atipagki nerin, um imiterimterim nohwan: erumu aha niji itai eklim edo irai pece ithan, erumu lep udei inran inman:

Taniel 4:23

As lep ecet natimi aminjinaig itai is ethi, nagelo upene marom, aiek, ak natimarid, is ahes an nohatag aien, um asuol, um ika, Uhmu acaldei incai, um auahas; jam udei nohun neucvan an nobohtan, um ika yi ipjin vai wau aiurn im bras, irai efelelicai an pece; etmu edin va nopoigmul an nohatag, etmu lep asipiaig nefelelicai an nobohtan aien im niji itai eklim edo irai pece, etmu lep amen aien irai mesese inyi seven.

Madius 3:10

eh mun ati inpas u nohu auicai an naopan ineig: uhpu acaldei nauicai asega et eti upene nasau iran, um erekhaigjai an cop:

Madius 7:19

Er acaldei nauicai asega et eti ohoai itai upene, um erekhaigjai an cop.

Lukas 13:6

¶ Is lep ecsipece aien, um ika, Is ahoaig nateg an nekaro vaine o un natimi is ethi; is apan aien um ahilek nohoan, jam eti ecetai.

Lukas 13:7

Is ika aien ehele natimi aminjinai nekaro vaine o un, Kis idim ham ainyak an mesese is eseij, um ahilek nohoan nateg ineigki, jam eti ecetai: namu acaldei aiek; et tup arih nekaro.

Lukas 13:9

el et oho, el et upene: ja el eti oho, napu acaldei aiek.

Joanes 15:6

El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud.

Ilpu Hibru 10:28

Aien et imyipalea intas alep o Moses aien, et mas aien vai intas asuptecnaig u natimi et ero ka et eseij, er lep eti aiheuc vai yin:

Ilpu Hibru 12:29

va nitai ineig, nikavaig, “et cop atnamud itai a Atua uja.”