Lukas 3:8 - Intas Etipup

⁸ akumu ohoai itai aijaua yi idivaig nadumoij u inliinmopomia: akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Lukas 3:8 Iomraidhean Croise

Nihemaia 5:11

Akumu imiadumoij pan ehele ra aijaua, an nadiat inigki, umara, im nokoro vaine ura, im nokoro oliv ura, im neom ura, im lep na-haijin mune, im korn, im nide vaine, im narakei oliv, eka lucsei ehele ra aijaua.

Esikiel 33:24

Ak inhal u natimi, era tas ara sij igki era amen irai uarin umaruma an pece Isreel ara, um ika, Is ethi ache a Ebraham, ja is ohuun inpece aien: ja inta ahinag akaija; eh mun ahtai inpece imi caija mika ti ohuun akaija.

Madius 21:43

Va nedo ineigki ek asaig ehelemia ainyak mika, Uhpu atipagki nelcau o Atua ehelemia, um alupai nup urai taka pece ineig erupu ohoai itai iran ara.

Madius 3:8

akumu ohoai itai aijaua yi idivaig nadumoij u inliinmopomia:

Madius 3:9

akumu jim aktaktai anliinmopomia aijaua, um ika, Et etpoija a Ebraham; ek asaig ehelemia ainyak mika, Et emda a Atua par imyiatidai ilpu halav imi Ebraham irai hat iji eigki:

Lukas 13:25

et wit atidai natimi alupas an neom, um atapanes an tapanes, aku wit atupun aijaua um aiji ijo, um etcetcei intapanes, um ika, Ak Natimarid, ak Natimarid, asalgei vai cama aiek: etpu tas aien, um ika ehelemia, Ek eti ato caua ainyak, im inuarin ineig eka ahes iran aijaua:

Lukas 13:26

akupu atupun aijaua, um ika, Ecris mun hag aijama um umwig an nuhup unyum, as esege aiek irai efalaig an nuarin-pece unyima.

Lukas 14:9

etpu apan natimi ineig et imyiacaij caurau, um ika ehelum, Asuol aiek va natimi ineigki; napu ateucse aiek sepamki, um ehcamai.

Lukas 19:40

Is tas aien, um ika ehele ra, Ek asaig ehelemia ainyak mika, el era eti tas ara sji eigki, etpu auroauro um ahlaig ijinies niji hat.

Lukas 19:9

Is ika ehelen a Iesu, Et mun yetpam nitai imyiatamaig caua an nimnim ineigki an nadiat ineig, et idim mapoi Ebraham aien:

Lukas 5:21

Eris aktaktai a ilpu atimi esege, im ilpu Farisi, um ika, Di neigki et asan tas has esjilid aien? et emda ache a Atua par iknipagki nedo has.

Joanes 8:33

Eris um ika ehelen ara, Ecra ilpu mapoi Ebraham aijama, ecris idim eti aheca o un tah natimi aijama: na auri aiek par ika, Uhpu ahiyi caua?

Joanes 8:39

Eris tas ara, um ika ehelen, Et idim etmama a Ebraham. Is um ika ehele ra a Iesu, El eka ilpu hal o Ebraham aijaua, el eka ago nedo; o Ebraham aijaua:

Niji auritai o ilpu Apostolo 26:20

jam upyi hup um asuptecnaig ehele ra Tamaskus, im lep Jerusalem, im lep irai iji uari pece Jutaia, im lep ehele nup urai taka pece, mika eri adumoij anliinmopura ara, um ahidaig pan ra ehele Atua, um ago nauritai iji eigki et upene va nadumoijvaig ura ara.

Nupu Roma 4:16

Va nitai ineigki era atimi ohuun ara va nimyiisjis ninivaijec ura, va uhpu aiheuc rai ra: va etpu amen aktit intas upyi asaig imi ilpu mapon asega; jam eti imi ra sji! eigki ache era apol an tas alep ara, jam lep imi ra sji eigki era imyiisjis ninivaijec ara, et idivai Ebraham; et etpoija asega aien;

Nupu Roma 9:7

era eti lep ilpu mapoi Ebraham ara asega eris ahes ehelen ara: ja “uhpu anvi nidai ilpu mapom irai Aisak.”

Nupu Filipai 1:11

um amen alupas ehelemia nohoai itai upene vai Iesu Kristo, va uhpu asuptecnaig natimi alupas o Atua im nimyiahpas yin.