Lukas 3:6 - Intas Etipup

⁶ erupu ecetai nitai imyiatamaig ra o Atua natimi asega.”

Lukas 3:6 Iomraidhean Croise

Aiseya 40:5

uhpu ehvaig natimi alupas u Ihova, erupu ehrecetai natimi asega: vaig inig nikavaig, et mun asaig intas inigki a Ihova an nipjineucsen.

Aiseya 49:6

Is ika aien, Nauritai haklin nigki mika an aheca unyak aiek par imiatidai ilpu teuc irai Jekob, um imiadumoij pam ilpu ahri nup Isreel: ek mun lep ati euc ainyak mika an nitai lah imi nup urai iji pece, mika ki imiatamaig atimi ainyak vai euc um yetpan irai tid au nobohtan.

Aiseya 52:10

Et mun atipagki napelumai an nikman itap a Ihova an nuhup u nup urai iji pece; era mun almoi nimiatamaig caija u Atua uja a nup urai tid an nobohtan asega.

Markus 16:15

Is um ika ehele ra aien, Akumu apan aijaua irai iji pece asega, um asuptecnaig intas-upene ehele atimi asega.

Nupu Roma 10:12

Era eti cehe a nupu Jutaia im nupu Crisi: et tup ethi ache Natimarid ura asega, et lep efalupai ra asega itai aien era ahlaig vai yin ara:

Nupu Roma 10:18

Ja ek ika ainyak, Eris atahaijeg ara, ka oʼo? Maiya, “is idim apaahni nohrara irai iji pece asega, im lep intas ura an tid an nobohtan.”