Lukas 3:22 - Intas Etipup

²² is asuol iran a Nesgan Upene, is idivaig nalaupa nalmun nohun; is ahes an nohatag nohran tah, um ika, Nai Halav cop unyak aiek; ek imyiacitak euc ainyak.

Lukas 3:22 Iomraidhean Croise

Saam 2:7

Ekpu asuptecnaig intas alep ainyak: is ika ehelek a Ihova, Nai Hal unyak aiek; ek mun apos euc ainyak an nadiat inigki.

Aiseya 42:1

AKUMU alum naheca unyak aijaua, ekpu asjiraig emda yin ainyak; kis ati yin ainyak, et aiyu inliinmopok ainyak vai yin; ek mun ati Nesgak iran ainyak: etpu asuptecnaig nedo upene aien ehele nup urai iji pece.

Madius 12:18

“Alum naheca unyak aijaua, kis ati yin ainyak; et halav cop unyak aien, et imyiacitak yin inliinmopok ainyak: ekpu ati Nesgak ehelen ainyak, etpu asuptecnaig intas atoh aien ehele nup urai iji pece:

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 27:43

is asgeig irai Atua aien; etmu imyiatamaig yin aien, el et aiyu inliinmopon aien vai yin: is ika aien, Ek Hal o Atua ainyak.

Madius 3:13

¶ Is ahes Calili a Iesu um apan Jortan ehele Joanes, mika yi baptiso iran aien.

Madius 3:16

Is wat leh nabaptiso iran a Iesu, is ahes u inwai aien, um atga o un: is asalgei nohatag vai yin, is ecet Nesgai Atua aien nasuolvaig is idivaig nalaupa, um ateuc iran:

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Markus 1:11

eris ahgei nohran tah an nohatag, is ika, Nai Halav cop unyak aiek, ek imyiacitak euc ainyak.

Markus 1:9

An naopan iyehki is ahes a Iesu an Nasared an pece Calili, um apan ehele Joanes, is um baptiso iran aien an nofowai Jortan.

Markus 9:7

Is um etaluopni pam ehtaij nepeig: is ahes an nepeig nohran tah, um ika, Inhalav cop unyak ineigki: ahtijmu atahaijeg yin aijautaij.

Lukas 2:14

Etmu eteuc nimyiahpas vai Atua an nohatag ijinies acen; um eteuc neigpa an nobohtan, naiheuc va atimi.

Lukas 4:21

Is atupun aien, um ika ehele ra, Eh mun ehneijid an nadiat ineig an nuhup unyimia intas ineigki eris aged.

Joanes 1:32

Is asuptecnaig a Joanes, um ika, Kis ecet Nesgan Upene ainyak is ahes an nohatag um asuol is idivaig nalaupa, um amen iran:

Joanes 12:28

Ak Etmak, namu ika aiek eri imyiahpas nidam. Is ahes an nohatag nohran tah, um ika, Ek mun imyiahpas ainyak, ekpu lep imyiahpas ainyak.

Joanes 5:37

Is abrai nyak a Etmak, um lep asuptecnaig nyak. Akis eti atahaijeg nohran aijaua an tah naopan, um eti almoi nehcohos o un.

Niji auritai o ilpu Apostolo 10:38

nikavaig, is ati Iesu nup an Nasared a Atua irai Nesgan Upene im nemda o un: is atga jipe aien um ago nedo upene, um ago cehcehe ra asega eris ohocred ara vai Tiapolo; is amen ehelen a Atua.

Nupu Kolose 1:13

is iknipagki caija aien an nelcau aupat, um ikni caija an nelcau u Inhalav cop o un:

1 Pitrus 2:4

Akis ham ehelen aijaua, et hat umoh aien, eris um esjum vai yin natimi, ja is ehtai yin a Atua, um imyiahpas yin,