Lukas 3:16 - Intas Etipup

¹⁶ is tas a Joanes, um ika ehele ra asega, Ek idim baptiso iramia ainyak an wai; ja etpu yetpam tah inyi ethi, inyi esjilid irak aien, ek eti upene ainyak par ahiyi nehtit an cedpun eduon: etpu baptiso iramia aien an Nesgan Upene im lep incop:

Lukas 3:16 Iomraidhean Croise

Niji tas Arapakau 1:23

Adumoij pam aijaua an nacaiji caua unyak: ekpu idim atladwi Nesgak ainyak iramia; ekpu asuptecnaig intas unyak ainyak ehelemia.

Aiseya 32:15

um yetpan an nopan iyehki uhpu atladwi iraija Nesgan Upene, etpu ahes jipagko aien; etpu lep obohtan upene namasacen, uhpu lep ika et idivaig nesei nobohtan upene.

Aiseya 4:4

etu wit yiri nedo has esjilid u ilpu takata Saion a Natimarid, um atipagki natgei atmas irai nup u Jerusalem an nibla atimi iran, an Nesgan neruvaig im Nesgan cap.

Esikiel 36:25

Ekpu ohaig inwai weilah iramia ainyak, akupu adicinadicin aijaua: ekpu yiri caua ainyak va nemig asega unyimia, im lep va niji atmasimai asega unyimia.

Sekaraia 13:9

Ekpu imiatga nahaijin dirt an cap ainyak, ekpu ahre nohok ira ra et idivaig er ahre nohok irai silver, ekpu asjaaicnaig ira ra ainyak et idivaig er asjaaicnaig irai colt: erupu arohwai nidak ara, ekpu lep atahaijeg ra ainyak: ekpu ika ainyak, Era ilpu atimi unyak ara: erupu lep ika ara, Et Atua unyima a Ihova.

Madius 3:11

ek idim baptiso iramia ainyak an wai mika aki adumoij anliinmopomia aijaua: ja aien inyi ham aien um apitac nyak inyi idim esjilid irak aien, ek eti upene ainyak par apos incedpun eduon: etpu baptiso iramia aien an Nesgan Upene im lep incop:

Madius 3:12

et apos nitai ucjucjai itai o un aien, etpu idim ago adicinadicin nuarin ikni sito o un aien, etpu ikni hwiit o un aien anliin neom ikni hwiit iran, ja etpu atnamud narasin aien an cop inyi ti lep opos.

Joanes 1:26

Is tas ehele ra a Joanes, um ika, Ek baptiso ira atimi ainyak an wai: ja et amen ehelemia tah et ethi, eka eti ato yin aijaua;

Joanes 1:27

aien aigki et apitac nyak aien, et idim esjilid irak aien, ek eti upene ainyak par ahiyi nehtit an cedpun neduon.

Joanes 1:33

kis eti ato yin ainyak: ja aien is abrai nyak aien mika ki baptiso ira atimi ainyak an wai, is ika ehelek aien, Aien aigki napu ecet shlegan Upene aiek nasuolvaig Necen um amen iran, etpu baptiso ira atimi aien an Nesgan Upene.

Joanes 7:38

aien et asgeig irak aien, etpu ahlau ohua alupas inwai umoh anliinmopon, et idivaig eris aged.

Niji auritai o ilpu Apostolo 1:5

is idim baptiso ira atimi a Joanes an wai; ja uhpu baptiso iramia an Nesgan Upene, et wit ti pan itac nadiat inyi ti elpat.

Niji auritai o ilpu Apostolo 10:44

¶ Is wat asan tas iji eigki a Pitrus, is asuolse a Nesgan Upene ira ra asega eris atahaijeg intas iyehki ara.

Niji auritai o ilpu Apostolo 2:33

eris atijai yin an matai Atua, is leh Nesgan Upene aien ehele Etman et idivaig is upyi asaig aien, et mun lep atladwi nitai ineigki aien eka mun almoi aijaua um atahaijeg vaig.

1 Nupu Korindus 12:13

Eris idim baptiso iraija asega an Nesgan Upene et tup ethi ache, mika yi ethi ache nohuja akaija, kit inta upu Jutaia akaija, ka upu Crisi, kit inta ilpu aheca akaija, ka ilpu atimi eti aheca: et tup ethi ache a Nesgan Upene ineig intis umwig iran akaija asega.